Luka 19:17 - Bhibhiliya Nya Guage

¹⁷ Mufumeli a di mu hakha, khuye: ‘U giride gwadi githumi nya gyadi; kha nga olu u nga thembegago ga silo nya sidugwana, nyi na gu pharisa ndronga nya gufumele likhumi madhoropa.’

Luka 19:17 Iomraidhean Croise

Genesi 39:4

Josefa a di mana wuhigo mahoni ga mune waye, a nga mu vegago kha nga gyandza gyaye; a di mu vega kha nga muthangeli nya ndranga yaye yatshavbo, a mu gira muphari nya silo saye satshavbo.

Mavingu 27:18

Muthu a sayisago dimwa, a na hodza mihandro yaye, kharato gambe uye a sayisago mune waye, a na zundzega.

Matewu 25:21

Pfhumu yi di, khiyo: ‘U tshambiside, githumi nya gyadi, nya gutumbege; kha nga olu u nga thembegago siloni nya sidugwana, nyi na gu pharisa nya singi. Bela buzoni gwa pfhumu yago.’

Luka 16:10

“Uye a tumbegago avbo nya silo nya sidugwana, a na tumbega gambe avbo nya singi; gasi uye a si tumbegigo avba nya sidugwana, kha na tumbega gambe avba nya singi.

Luka 19:16

“Uye nya guphele a dita, khuye: ‘Pfhumu, pondro yago yi velegide likhumi dzipondro!’

Luka 19:18

“Uye nya wuvili a dita, khuye: ‘Pfhumu, pondro yago yi velegide livbandre dzipondro.’

Luka 22:30

gasi mu hodze ni gu sela vbamezatunu nya buzo wangu. Mu na khalani vbasikhalotunu nya wufumu, mu lamula mahundzu yatshavbo ya Israyeli, nya likhumi na mavili.

Varoma 2:29

Mujudha nya lisine khu wule a gu Mujudha khu monyoni gwaye, a nuwo wugwera nya lisine khu wule wu hanwago monyoni, wu hanwago maningano khu edzi li lombago khidzo Liphuvbo, nasiri khu edzi wu lombago khidzo nayo nya gulowe. Khuye oyu a rungudzwago khu Nungungulu, ambari a si rungudzwi khu vathu.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

2 Thimoti 2:10

Khu guralo, eni nya gu timisela satshavbo khu kotani nya sihathwa, nya gu girela gukheni a navo va mane guvbanyiswa gogu ga Kristo Jesu, gumogo ni gidhumo nya gupindruge.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.