Luka 19:12 - Bhibhiliya Nya Guage

¹² A di khuye: “Mwama moyo nya guthavisege a di phara liendro a gu hongola hwindzo, gasi guya phariswa ndronga nya wufumu, na si vbede isoso a wuya.

Luka 19:12 Iomraidhean Croise

Matewu 21:38

Aholu valimi, na va wone mwamana waye, va di embeledzelana, khavo: ‘Khuye oyu a na gu tshalago ni thomba. Hongoleni hi mu songe, gasi hi na tshala nayo ethu.’

Matewu 28:18

Khavbo avbo, Jesu a di hidzimela, a va embela, khuye: “Nyi ningidwe tshivba yatshavbo nya gufume Ndzadzini ni mafuni.

Marko 12:1

Khu hwane, Jesu a di phela gu ganela vbakari gwawe khu sipimaniso, khuye: “Muthu nya gukari a di yala lithembwe nya miuvha, a li bhiya, a gira gikhwathi, a vbaha gitezi, na vbedzide, a di tshiyedza valimi, a endra a gu hongola hwindzo.

Marko 16:19

Hwane nya gu bani na ganede navo, Pfhumu Jesu, a di khusedzedwa Ndzadzini, aya khala nyamudye ga Nungungulu.

Luka 20:9

Khavbo avbo, Jesu a di phela gu ganela vbakari nya vathu, a gu va ninga gipimaniso gegi, khuye: “Muthu nya gukari a di lima lithembwe nya miuvha, a li tshiyedza valimi, a gu endra nya guya vbedza matshigu nya gulaphe, vbavbandze nya mayigo.

Luka 24:51

Na gu va kategisa, a di hambana navo, a gu khusega aya Ndzadzini.

Johane 18:37

Pilato a di khuye: “Gasi kamwe u Mufumeli?” Jesu, khuye: “Nya nga ulo u ganelago! Eni nyi Mufumeli! Nyi velegedwe isoso; khiso nyi si tedego mafuni, gasi guta ninga wufakazi nya lisine. Uye a gu wa lisine a ngupwa lito langu.”

Mithumo 17:31

Khaguva vegiside litshigu a na ta lamulago litigo khu gululama, khu ga mwama moyo a nga mu hathago, a mu emisa mbeli nya vathu vatshavbo, khu gu mu wusa khu ga vafudego.”

1 Vakorinto 15:25

Kholu gu vbwetega Kristo a fuma kala Nungungulu a khozisa valala vatshavbo khu tshivba yaye.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

1 Pedro 3:22

A litidego ndzadzini aya khala nyamudye ga Nungungulu, a fumela dzingilozi dzatshavbo ni vafumeli ni dzitshivba dzatshavbo dza ndzadzini.

Gutuledwa 1:7

Mu ngu mu wona, a guta khu mapfhini; vatshavbo va na mu wona, ambari vale va nga mu songago, mafumbu yatshavbo ya mafuni ma na dzi laya khu kotani gwaye. I tiyiso: Amen.