Luka 18:43 - Bhibhiliya Nya Guage

⁴³ Khu vbale, gikhumu gi di dzegela gu wona, gi gu mu landra, na gi gu dhumisa Nungungulu. Vathu vatshavbo, na va wonide esi, va di rungudza Nungungulu.

Luka 18:43 Iomraidhean Croise

Dzindzimo 107:15

Rungudzani Pfhumu Nungungulu khu lihaladzo laye, khu mithumo nya gusamadzise a girelago vathu!

Dzindzimo 107:8

Rungudzani Pfhumu Nungungulu khu lihaladzo laye, khu mithumo nya gusamadzise a girelago vathu!

Dzindzimo 146:8

Pfhumu Nungungulu a ngu tula maho sikhumu, a gu wusa avo va vbelago tshivba; Uye a ngu gola vale va lulamidego.

Dzindzimo 30:2

Pfhumu Nungungulu wangu, eni nyi lide avbo gwago u nyi halawugisa.

Isaya 35:5

Khavbo avbo, maho nya sikhumu ma na tulega ni sivbwiri si na tulega dzindzeve sipwa.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 43:21

vathu vava nyi dzi wumbedego, gasi va huwelela wudhumo wangu.”

Matewu 11:5

Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Matewu 21:14

Ndrani mule nya Nyumba ya Nungungulu a di tedwa khu sikhumu ni sikhurubwa, a gu si vbanyisa.

Matewu 9:8

Gidzemo, na gi wonide esi, gi di tala khu githawo, gi dhumisa Nungungulu a nga ningago vathu tshivba nya nga yile.

Luka 13:17

Na ganede esi, valala vaye vatshavbo va di tala khu dzitshoni; gasi gidzemo gi di nengela khu mithumo yatshavbo nya gululame a nga bani a gu gira.

Luka 19:37

Gikhati va nga vbohago releloni nya gigomo nya Miolivha, vapizane vaye vatshavbo va di phela gu womba mikulungwane, va rungudza Nungungulu khu siliwugiso satshavbo va nga si wonago,

Luka 4:39

Na nogide a mu khedzisa, a di ruma feveri gu yi mu diga. Yi di mu diga kamwe. Na yi mu digide, a di dzegela gu khuga a va sayisa.

Luka 5:26

Vatshavbo va di liwuga ngudzu ni gu tala khu githawo, gumogo ni gu dhumisa Nungungulu, khavo: “Muhuno hi wonide siliwugiso.”

Luka 9:43

Vatshavbo vathu va di liwuga khu gu wona tshivba nya yikhongolo ya Nungungulu. Kha nga ulo vatshavbo va nga bani va liwuga khiso a nga gira, Jesu a di embela vapizane vaye, khuye:

Mithumo 11:18

Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Mithumo 4:21

Kha nga va nga hamugago nandru nya gu va tsayise khuwo, va di engedzela gu va thusedzela, va gu va tshula khu gu thava vathu, kholu vathu vatshavbo va di gu rungudza Nungungulu khu iso si nga giregago.

Vagalatiya 1:24

Va di dhumisa Nungungulu khu eni.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.