Luka 18:14 - Bhibhiliya Nya Guage

¹⁴ Nyi ngu mi embelani, kheni: Oyu muhengisi nya khupho khugide khu vbale a hongola gaya na tsetseledwe, gasi mufarisi khandriso si nga mu dugelago. Kholu watshavbo muthu a dzi khusedzago a na vbwasamiswa, gasi uye a dzi sodzisago a na khusedzwa.”

Luka 18:14 Iomraidhean Croise

Joba 22:29

Wa gu hembuludwa, uwe u na khuwe: Nyi khusedze! Kholu Nungungulu a gu vbanyisa avo va dzi nogisago.

Joba 25:4

Khu mani a lulamidego mbeli ga Nungungulu? A nga kodza kharini gululama muthu a velegidwego khu nyamayi?

Joba 9:20

Ambari nya sa ghoha, magana yangu ma ngu nyi kona, nya gukheni nyi lulamide, Uye a na nyi rwega nandru.

Dzindzimo 138:6

Ambari ulo Pfhumu Nungungulu a guromo vbatshani ngudzu, Uye a ngu yingisa avo va dzi sodzisago; va nya matshandza, a gu vati nari khu hwindzo.

Dzindzimo 143:2

U nga nyi thethisi eni githumi gyago, kholu, mwalo muthu a vbanyago nari mwalo nandru mbeli gwago.

Ekisodha 18:11

Olu nyi ngu dziti gukheni Pfhumu Nungungulu khongolo guvbindra vanungungulu vatshavbo, kholu a va phalalegiside ga esi va nga bani va dzi gugumugisa khiso ni dzihanyi.”

Mavingu 15:33

Guthava Pfhumu Nungungulu gihevbudzo nya guti, gu dzi nogisa gu gomo wuzundzo.

Mavingu 18:12

Monyo nya muthu, wu si gu thegedwi khu mhango, wa gu dzi khusedza ngudzu, aholu wuzundzo gu wu mana khu gu dzi nogisa.

Mavingu 25:7

kholu gutshambide guranwa khu mufumeli gupwani: “Hidzimela eno,” guvbindra gupoyidwa mbeli ga mufumeli nya litigo.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Mavingu 3:34

Uye a na vala va tseketseli, a ninga tshivba avo va dzi nogisago.

Muhevbudzi 9:7

Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Isaya 45:25

Aholu, situgulwana satshavbo sa Israyeli si na sayedwa gululama avbo ga Pfhumu Nungungulu, va dzi zundza khavbo gwaye.

Isaya 53:11

A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Habhakuka 2:4

Lova, khuwe: “Muthu nya guvivbedwe khu monyo kha na vbanya; aholu uye nya gululame a khodwago ga Nungungulu a na vbanya.”

Matewu 23:12

Uye a dzi khusedzago a na sodziswa; gasi uye a dzi sodzisago a na khusedzwa.

Matewu 5:3

“Si kategide sisiwana liphuvboni, kholu khwawe Mufumo wa Ndzadzini.

Luka 1:52

Tshiside vafumeli musikhaloni gwawe nya wufumu a gu khusedza va nya gusolega;

Luka 10:29

Aholu muhevbudzi nya Nayo khu gu vbweta gu dzi vhikela, a di wudzisa, khuye: “Gasi khu mani muthu khwathu?”

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Varoma 3:20

Khu guralo, muthu lulamide mbeli gwa Nungungulu khu kotani nya gulandrise mithumo yi rumwago khu Nayo; kholu Nayo wa gu tulela muthu gu dziti gukhuye gighohi.

Varoma 4:5

Aholu, muthu a khodwago ga Nungungulu, a gu uye a hakhago gighohi, gukhodwa gwaye gu na mu gira muthu nya gululame.

Varoma 5:1

Na hi wonidwe kharati, kha nga vathu nya gululame, khu kotani nya gukhodwe gwathu, ethu hi ngu vbanya khu gurula ni Nungungulu khu gwa Jesu Kristo, Pfhumu yathu.

Varoma 8:33

Khu mani a na gu thuledzago vale va hathidwego khu Nungungulu, olu uye Nungungulu a va giridego vathu nya gululame?

Vagalatiya 2:16

Aholu hi ngu dziti gukhethu muthu kha sayedwi gululama khu kota nya mithumo ya Nayo, aholu khu gukhodwa linani ga Kristo Jesu. Ethu ha gu khodwa ga Kristo Jesu hi fela gu lamudwa khu kota nya gukhodwe nasiri khu kota nya gulandrise guruma nya Nayo. Kholu muthu kha na sayedwa gululama khu kota nya gulandrise esi si rumwago khu Nayo.

Jakobe 4:10

Dzi sodziseni mbeli ga Pfhumu, uye a na mi khusedza.

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”

1 Samuweli 1:18

Uye a di mu hakha, khuye: “Githumi gyago gi na mane wuhigo mbeli gwago.” Khavbo avbo, uye a diya hodzanyana gilogyo, kholu monyo waye wu di vbevbugide vbadugwana.