Luka 18:13 - Bhibhiliya Nya Guage

¹³ Gasi muhengisi nya khupho, a di ema khu hwindzo, nyamba tiyela ni gu khusedza thamo, a di dzipwa nandru, a veta khana na gu khuye: ‘Nungungulu, nyi tsetselele, kholu nyi gighohi.’

Luka 18:13 Iomraidhean Croise

2 Samuweli 12:13

Khavbo avbo, Dhavhidhe a di embela Natane, khuye: “Nyi ghohede Pfhumu Nungungulu.” Natane a di embela Dhavhidhe, khuye: “Pfhumu Nungungulu futide gighoho gyago, khu na ngafa.”

2 Dzikoronika 33:19

Nombelo waye, ni idzo Nungungulu a mu hakhidego khidzo, ni gighoho gyaye, guyeyisa gwaye, malanga a ma vbahidego nya sigomo, umo a nga emisago sifananiso nya guvatwe na si gu dzi thesi vbavbatshi, ma lovidwe yatshavbo umo nya Libhuku la Vaprofeti.

2 Dzikoronika 33:23

Uye gima kha nga dzi nogisa mbeli ga Pfhumu Nungungulu, kha nga idzo a nga girago babe waye Manasi, a nga dzi nogisago; aholu Amoni, a di andrisa sighoho saye.

Ezira 9:6

Nyi ganela, kheni: “Nungungulu wangu! Nyi womo gugaradzegani ni mudzitshonini, nya gu khusa khovbe yangu nyi khedza uwe, Nungungulu wangu! Kholu sighoho sathu si dandride guvbindra pimo vbatshani nya mihungo yathu, ni milandru yathu yi litide kala ndzadzini.

Joba 42:6

Khu guralo, nyi ngu dzipwa na nyiri ni nandru, olu nyi ngu dzi laya, khu guphorola nguma ni kudzudzwane.”

Dzindzimo 106:6

Ethu hi ghohide gu fanana ni vababe vathu; hi giride esi nya gunyenyeze ni guvivba.

Dzindzimo 119:41

Pfhumu Nungungulu, wuhindzi wago wu nate avbo gwangu, U nyi vbanyisa kha nga gitumbiso gyago.

Dzindzimo 130:7

Israyeli a gu lirela Pfhumu Nungungulu, kholu, ga Pfhumu Nungungulu womo wuhindzi; a ngu hi vbulugisa dzimhango nya gutale.

Dzindzimo 25:11

Pfhumu Nungungulu, khu kotani nya lina lago, tsetselela giwono gyangu; kholu gikhongolo ngudzu.

Dzindzimo 25:7

U nga alakanyi sihoso sangu, ambari sighoho nyi giridego wudzahani wangu. Nyi dundruge khu lihaladzo lago, khu kotani nya wuwadi wago Pfhumu Nungungulu.

Dzindzimo 40:12

Nyi randredwe khu dzimhango nyambana tengo; mithumo yangu nya guvivbe yi nyi gamide nyamba kodza ni gu hapfhula nyi wona, yingi ngudzu guvbindra ndzudzu wa hungoni gwangu, nya gu dzipwa na nyi vbede tshivba.

Dzindzimo 41:4

Eni nyi di ganela, kheni: Pfhumu Nungungulu nyi pwele wusiwana; hawulugisa hefemulo wangu, kholu nyi gu ghohede.

Ekisodha 33:10

Vathu vatshavbo, na va gu wona lipfhi vbamwanyatunu nya Tshatsha, va di khuga va ema, va khozela, moyo ni moyo vbamwanyatunu nya tshatsha waye.

Isaya 1:18

Deluni, hongoleni hi pimise gumogo khu mahungu yaya; A ngu ganela Pfhumu Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Isaya 6:5

Khavbo avbo, nyi di ganela, kheni: “Libango langu! Nyi fude! Kholu nyi muthu nya likana nya gunyenyeze, nyi vbanyago vbakari ga vathu nya gunyenyeze, maho yangu ma wonide Mufumeli, Pfhumu Nungungulu nya Tshivba Yatshavbo!”

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Dhaniyeli 9:5

Hi ghohide, hi gira silo nya guvivbe, hi dzi vangede libango khu gu gu pfhurarela, hi hambana ni milayo ni sileletelo sago.

Matewu 10:3

Filipi ni Bharitolomewu; Tomasi ni Matewu, mukhuphisi; Jakobe, gyanana gya Alifewu, ni Tadhewu;

Matewu 6:5

“Mwa gu lombelela, mu nga giri kha nga va nya matshandza, va golago gu lombelela na va emide dzinyumbani nya nombelo ni mahandzakanyani nya dzindzila, na va gufela gu wonwa khu vathu. Khu lisine nyi ngu mi embelani nya gukheni va hakhide tshatshazelo yawe.

Matewu 9:13

Indrani mu ya vbweta guti tshamuselo nya mahungu yaya: ‘Eni nya gu hatha wuhindzi guvbindra mhamba.’ Kholu kha nya tela guta rana va nya ndruda, aholu, sighohi.”

Marko 11:25

Mwa gu vbweta gu gira nombelo wanu, mwa gu bani na mu hoselane, phelani khu gu tsetselela ava va gu ni sihoso gwanu, gasi Babe wanu a guromo Ndzadzini a mi tsetselelani nenu sihoso sanu.

Luka 17:12

Na bede talalani nya gukari, a di tedwa khu likhumi vadwali nya sokono, va nga emago khu hwindzo,

Luka 22:41

Khavbo avbo, a di leya vbadugwana, aya lombelela, khuye:

Luka 23:48

Vathu vatshavbo va nga wonago gusaniseka gwatshavbo ga Jesu, na va wona iso si nga bani si dugelela, va di hongola gaya na va gu dzi laya.

Luka 5:8

Na wonide esi, Simoni Pedro a di dzi thesa migondroni ga Jesu, khuye: “Leya uya hwindzo gwangu, Pfhumu, kholu nyi gighohi!”

Mithumo 2:37

Na va pwide magana yaya va di garadzega myonyoni gwawe, va wudzisa Pedro ni vambe vapostoli, khavo: “Vandruye, ginani hi fanelago gu gira?”

Varoma 5:8

Aholu, Nungungulu a hi yeyedzide gueta nya lihaladzo laye ga ethu, khu gu Kristo a hi fela ethu na hiri sighohi.

2 Vakorinto 7:11

Enu mu timisede wusiwana avbo mu nga tsakisani Nungungulu, wonani mihandro yakone: Nga wonani gu dzi garadza gwanu nya gungi, divalelo yanu, githawo gyanu, gusuva gwanu, gu sayisa gwanu ni gutiya gwanu gu tsayisa gighohi. Mu yeyedzide khu satshavbo sesi gukhenu mu mwalo nandru ga mahungu yaya.

1 Thimoti 1:15

Magana ma tumbegidego, gu na ni fanelo nya guhakhwe ma dzumedwa khu gukhodwa; Kristo Jesu dzude mafuni guta vbanyisa sighohi, eni kheni gighohi gyakone nya guphele.

Vahebheru 4:16

Khavbo avbo, hongoleni hi tiye hi hidzimela vbagikhalotunu nya wufumu wa Nungungulu nya gutale khu wuhigo, avbo hi na ya manago guvbanya ni gu phasedzedwa hi gu vbwetago gikhati gyatshavbo.

Vahebheru 8:12

Kholu eni nyi na gira wuhindzi nyi va ditshedza sighoho sawe. Gima kha nyi na nga alakanya gambe guvivba gwawe.”