Luka 18:12 - Bhibhiliya Nya Guage

¹² Eni nyi ngu hala nyondro mbili khu semana, nyi ngu livba gikhaba nya silo sangu satshavbo.’

Luka 18:12 Iomraidhean Croise

2 Dzipfhumu 10:16

A mu embela, khuye: “Hongole hatshavbo u na wona idzo eni nyi ningago khidzo githawo Pfhumu Nungungulu.” Va di mu bedza karetani gwaye.

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Malakiya 3:8

“Ina muthu a ngu dzi kodza gu bela Nungungulu, gani? Gasi enu mwa gu nyi bela mu bwelo khavbo mu wudzisa, khenu: Ginani hi nga gu belago? Mu ngu nyi bela umo nya gipandre nya likhumi ni avbo nya miningelo mu yelago gu nyi luva khiyo!

Mitengo 18:24

Kholu miningelo nya gipandre nya likhumi yi ningedwago khu sanana sa Israyeli ga Pfhumu Nungungulu, nyi ningide va na Levhi, gasi yi khala thomba yawe; khu guralo, Eni nyi va embede, kheni: Vbakari ga va na Israyeli enu mu mwalo thomba yi mu lumbago.”

Mitengo 23:4

Nungungulu a dita ga Bhalahama, a ta mu embela, khuye: “Nyi rumede gu emisa livbandre na sivili siluvelo, nyi payide ga giluvelo ni giluvelo mombe ni hamba mweyo.”

Matewu 5:20

Kholu nyi ngu mi embelani; gululama gwanu gwa mba vbindra ugo nya vahevbudzi nya Nayo ni Vafarisi, gima kha mu na bela Mufumo wa Ndzadzini.

Matewu 6:1

“Dzi woneleni mwa gu gira thumo nya wadi mu nga dwaneli gu wonwa khu vathu. Mwa gu gira kharato kha mu na ningwa tshatshazelo khu Babe wanu a guromo Ndzadzini.

Matewu 6:16

“Mwa gu halani, mu nga hungi giswedzo, kha nga va nya matshandza, na va gufela gu wonwa khu vathu gupwani va ngu hala. Nyi ngu mi embelani lisine nya gukheni va hakhide tshatshazelo yawe.

Matewu 6:5

“Mwa gu lombelela, mu nga giri kha nga va nya matshandza, va golago gu lombelela na va emide dzinyumbani nya nombelo ni mahandzakanyani nya dzindzila, na va gufela gu wonwa khu vathu. Khu lisine nyi ngu mi embelani nya gukheni va hakhide tshatshazelo yawe.

Matewu 9:14

Khavbo avbo, vapizane va Johane va di mu yela vaya mu wudzisa, khavo: “Khu ginani ethu ni Vafarisi hi halago dzinyondro nya dzingi, vapizane vago va si hali?”

Luka 11:42

“Aholu libango lanu, Vafarisi, mu hengago gikhaba nya mitongwe yatshavbo, mu si theli kota khu gululama ni lihaladzo la Nungungulu. Esi khiso mu nga vbweta gu phela khiso mu gira, nyamba divaledwa khu sile simbe.

Luka 17:10

Kharato nenu, mwa gu vbedza gu gira iso mu nga rumwago, indrani, khenu: ‘Hi sithumi nyamba phasa gilo, hi di landrisa giguruvedzo gyathu basi.’ ”

Varoma 3:27

Khu kharato, khu gevbini gilo nya gu dzi gugumugise khigyo muthu? Gimwalo ni gimwegyo. Khu ginani gi gu mwalo? Khu kotani nya mithumo ya Nayo, gani? Ahihi! Aholu khu kotani nya gukhodwe basi.

1 Vakorinto 1:29

Kharati, mwalo na moyo a na dzi kodzago gu dzi gugumugisa mbeli ga Nungungulu.

Vagalatiya 1:14

Nyi di pala vangi nya tanga yangu va tigoni gwathu khu gu vegisa Nayo wa Vajudha, gambe nyi di gu khathalela ngudzu gu landrisa tumbunugo nya mavbanyelo ya vababe.

Vaefeso 2:9

Khandri handro nya mithumo yanu, mu yelago gu dzi gugumugisa khiyo.

1 Thimoti 4:8

Kholu wa gu olovela gu vbanya khu mithumo nya givili, kha yi phasi gilo, aholu, wa gu vbanya khu gukhodwa, gu ngu phasa satshavbo, gu ngu ninga gutumba guvbanyani ga olu ni ugo gu natago.

1 Samuweli 15:13

Samuweli, a di hongola ga Sawule; Sawule a mu embela, khuye: “U na bongwe uwe khu Pfhumu Nungungulu; nyi yingiside magana ya Pfhumu Nungungulu.”