Luka 17:6 - Bhibhiliya Nya Guage

⁶ Pfhumu a di va hakha, khuye: “Nari pwani mu na ni gukhodwa gu fananago ni thanga nya ginapi, mu di hadza gu embela riva yoyu, khenu: ‘Kunuga avba uya dzi tsitsa phwani,’ uwo riva wu na mi yingisani.

Luka 17:6 Iomraidhean Croise

Matewu 14:29

Jesu, khuye: “Delu.” Pedro, na tshigide khu ngalavani, a di khinga Jesu khu vbatshani nya mati.

Matewu 17:20

Jesu a di va hakha, khuye: “Khu kotani nya gukhodwe gwanu a gu gudugwanana. Khu lisine nyi ngu mi embelani, kheni: Gukhodwa gwanu gwa gu fanana ni mbewu nya ginapi, mu na rumani gigomo gegi, khenu: ‘Siguga khavba uya khala vbale’; gi na mi yingisani. Khu kharato, gimwalo gi na mi tandrago.

Matewu 21:21

Jesu a di hakha, khuye: “Khu lisine nyi ngu mi embelani, kheni: Mwa gu khodwani, nyamba kanakana, kha mu na gira basi esi nyi nga girago nguyu yoyu, aholu mwa gu ruma gigomo gegi, khenu: ‘Siguga khavbovbo, indra uya dzi dumwega phwani’, gu na girega kamwe.

Marko 4:31

Wu ngu fanana ni thanga nya ginapi yi yadwago thembweni na yiri yidugwana ga dzimbewu dzatshavbo dza tigoni.

Marko 9:23

Jesu a di khuye: “Wa gu dzina! Satshavbo si ngu kodzega ga wule a khodwago.”

Luka 13:19

Wu ngu fanana ni mbewu nya ginapi, yi nga dzegwago khu muthu a yala thembweni gwaye. Na yi dandride, yi ngu khala simbo, sinyoni sita vbaha sihaga sawe matamoni gwaye.”

Luka 17:7

“Khu mani, vbakari gwanu, a dzi kodzago gu embela githumi gyaye gya gu wuya khu gundze mwendro khiyo nya guhavise sifuyo, khuye: ‘Delu khu guvbiredza u ta khala u hodza?’

Luka 19:4

A di thanga khu mazambo a lita vbatshani nya nguyu, gasi a kodze gu wona Jesu, kholu a di gu dziti gukhuye a na vbindra khu vbale.

Luka 7:13

Pfhumu na mu wone, a di mu pwela gisiro, a gu mu embela, khuye: “U nga lili.”

Luka 7:19

Khavbo avbo, Johane a di rana vapizane vavili, a va rumela ga Pfhumu, gasi guya mu wudzisa, khavo: “Khuwe wule a vbwetago guta, mwendro hi nga gu lindrela mumbe?”

1 Vakorinto 13:2

Ambari nyiri ni giningwa nya gutshumayele mahungu ya Nungungulu, ni guti satshavbo, ni gupima misihalo yatshavbo, ni gukhodwa gwatshavbo nya gu dzi kodze gu sigula sigomo, nyambana lihaladzo, kha nyiri wa gilo.