Luka 17:3 - Bhibhiliya Nya Guage

³ Dzi woneleni! Wa gu hosedwa khu ndriyago, mu kawuke. A gu dzi sodzisa, mu tsetselele.

Luka 17:3 Iomraidhean Croise

Dzindzimo 141:5

Nya gu tsayiswa khu muthu nya gululame, nya gu wona nari gwadi ga eni, a gu nyi kawuka, gu na gira nga mafura nya gunungele gwadi, nyi thedwago hungoni gwangu. Aholu gima kha nya dzumela gu zundzwa khavo va girago guvivba, kholu kha nyi garali khu gu lombelela nyi dwana ni mithumo yawe nya guvivbe.

Ekisodha 34:12

Dzi wonele, u nga tshuki sago u hunga pwanano ni vathu va tigoni u na belago umo, gasi avo va si khali naphwi vbakari gwanu.

Mavingu 17:10

Muthu nya mapimo a gu kawukwa a gu vbiredza gupwa, guvbindra gu veta lizana dzindronga hwamboni nya gipumbu.

Mavingu 27:5

I tshukwana wule a kawukago guwonegelani, guvbindra lihaladzo nya gusengedzele.

Mavingu 9:8

U nga kawuki muhembululi, kholu a nga gu zondra, kawuka muthu nya mapimo, kholu a na gu gola.

Levhi 19:17

U nga vengeli muthu kwanu monyoni gwago. Aholu u nga digi gu kawuka muthu wa na gyanu, gasi u si ghohi khu kotani yaye.

Matewu 18:21

Khavbo avbo, Pedro a di hidzimela ga Jesu a mu wudzisa, khuye: “Pfhumu, nya gu hosedwa khu ndriyangu, nyi na ni fanelo nya gu mu tsetselele nyondro ngani? Nyi na mu tsetselela kala livbandre na dzimbili dzinyondro, gani?”

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Vaefeso 5:15

Khu kharato, vandriyangu, dzi woneleni guvbanyani gwanu. Mu nga vbanyi kha nga sipumbu, aholu kha nga vathu nya guti.

Dhewuteronome 4:15

Dzi woneleni gwadi enu va mune, kholu gimwalo ni gimwegyo gifananiso mu gi wonidego litshigu lile Pfhumu Nungungulu wanu a ganedego nanu gigomoni ga Horebhi, nari vbakari nya nilo;

Dhewuteronome 4:23

Dzi vegedzeni mu nga divali gidzumeledzwano gya Pfhumu Nungungulu wanu, a giridego nanu, mu nga tshuki mu dzi girela gifananiso nya guwumbwe, gi fananago ni gilo gile Pfhumu Nungungulu wanu, a mu himbedzedego.

Dhewuteronome 4:9

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Vahebheru 12:15

Dzi woneleni, gasi ni moyo wanu a si segedwi wuhigo wa Nungungulu. Dzi woneleni, gasi ni moyo wanu a si khali nga khamba nya guvave wu bayisa vathu nya vangi khu wuvasi waye.

Jakobe 5:19

Vandriyangu, moyo wanu, a gu diga ndzila nya lisine, mumbe a na mu wuyise ndzilani.

2 Johane 1:8

Dzi woneleni, gasi mu si luzi thumo hi wu giridego, aholu hi hakha tshatshazelo nya guenele.