Luka 17:26 - Bhibhiliya Nya Guage

²⁶ Kha nga idzo gu nga giregago khidzo matshiguni ya Nowa, kharato nugo gu na girega matshiguni ya Mwamana wa Muthu:

Luka 17:26 Iomraidhean Croise

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

Genesi 6:7

Khavbo avbo, Pfhumu Nungungulu a di khuye: “Nyi na fuvisa vathu nyi va vangidego mafuni, nyi na va mbembisa tigoni, nyi vbedza vathu, sirengo ni sinyoni sa damboni ni sirengwanana satshavbo si khwirirago khu lididi, kholu nyi ngu dzi laya khu olu nyi si giridego.”

Genesi 6:8

Nowa a di mana wuhigo mbeli ga Pfhumu Nungungulu.

Isaya 22:13

Aholu enu mu di womba mikulungwane ni mighiyo; mu songa dzimombe ni dzinvuta; mu hodza dzinyama ni gu sela mawadwa nya mangi! Mu bwelo khavbo, khenu: “Hi na hodze ni gu sela, kholu mindru hi nafa.”

Luka 17:22

Khavbo avbo, a di embela vapizane vaye, khuye: “Gi na vboha gikhati mu no vbwetago gu wona limwedo basi nya matshigu la Mwamana wa Muthu, gambe kha mu na li wona.

Luka 17:24

Kholu, kha nga gulasa nya ndzadzi, gu wenengedzago damboni gwatshavbo, gukhugela mahegiso kala mahegiso; kharato a na gira nuye Mwamana wa Muthu gikhati li na vbohago litshigu laye.

Luka 17:27

Va di gu hodza ni gu sela; vama va di gu dzega, vanyamayi va di gu dzegwa, kala litshigu Nowa a nga belago taroni, gu manega talo, wu nga mbembisa vatshavbo.

Luka 17:7

“Khu mani, vbakari gwanu, a dzi kodzago gu embela githumi gyaye gya gu wuya khu gundze mwendro khiyo nya guhavise sifuyo, khuye: ‘Delu khu guvbiredza u ta khala u hodza?’

Luka 18:8

Nyi ngu mi embelani, khu lisine, kheni: A na dzegela gu si lamula. Ina gikhati a na wuyago Mwamana wa Muthu, a nata mana gukhodwa tigoni, gani?”

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.

2 Pedro 2:5

gambe Nungungulu kha ditshedza litigo la gale, aholu a di resa talo nya mati tigoni ga vale nya guvivbedwe khu myonyo, a vbulugisa Nowa basi ni vambe nya livbandre na vavili, afela gu ganela guvbanya nya gululame gwa Nungungulu.

2 Pedro 3:6

Va hangwa gambe khu gukhavo khu mati nya talo, litigo li di pfhungumudwa.