Luka 17:24 - Bhibhiliya Nya Guage

²⁴ Kholu, kha nga gulasa nya ndzadzi, gu wenengedzago damboni gwatshavbo, gukhugela mahegiso kala mahegiso; kharato a na gira nuye Mwamana wa Muthu gikhati li na vbohago litshigu laye.

Luka 17:24 Iomraidhean Croise

Ezekiyeli 1:14

Sivangwa sile nya guvbanye, si di tutuma-tutuma, gu fanana ni nyangafula.

Zakariya 9:14

Pfhumu Nungungulu a na dzi wonegisa ga vathu vaye, sighalala saye si na duga na si gu khedziga kha nga gulasa; Mune, Pfhumu Nungungulu a na womba pundru, a gimbila khu vbakari nya gipupwane nya gute khu Marandzi.

Matewu 24:27

Kholu, kha nga ndzadzi yi lasago, yi wenengedza litigo latshavbo, gukhugela Khugadambo kala Pfoladambo, kharato nugo gu na girega gikhati a na tago Mwamana wa Muthu.

Matewu 24:30

Khavbo avbo, gu na wonega Ndzadzini giyeyedzo gya Mwamana wa Muthu, giyeyedzo gi na gu girago vathu vatshavbo nya mafu va lila khu gu wona Mwamana wa Muthu na guta vbakari nya lipfhi, na tade khu tshivba nya yikhongolo ni gidhumo.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Matewu 26:64

Jesu a di mu hakha, khuye: “U ganede. Ambari ulo nyi ngu mi embelani: Tshigu mwedo mu na wona Mwamana wa Muthu na khade nyamudye ga Nungungulu nya tshivba tyatshavbo, na guta khu mapfhini ya Ndzadzini.”

Matewu 5:15

Kha yi rothwi kandriya yi fenengedzwa khu gitundru, aholu ya gu vegwa avbo yi kodzago gu wenengedza khavbo vatshavbo va guromo nyumbani.

1 Vakorinto 1:8

Khuye gambe a na mi tiyiselago kala mahegiso, gasi muta manwa na muri mwalo gihoso litshiguni la Pfhumu yathu Jesu Kristo.

1 Vatesalonika 5:2

Enu mu ngu dziti gwadi nya gukhenu litshigu la Pfhumu li nata nga mbafa, vbakari nya wutshigu.

2 Vatesalonika 2:2

hi ngu mi lombani, vandruye, mu nga kanganyisegi, mu nga vbeli mapimo va gu mi embelani khavo, litshigu la Pfhumu li vbohide. Ambari a gu manega muthu a ganela ni gu hevbudza khu lina la Nungungulu a tiyisa khuye isoso si lovidwe vbalidangalilatunu gwangu,

2 Vatesalonika 2:8

Khavbo a na gu dugelelago muwugeli oyu Pfhumu Jesu a na mu songago khu phuvbo ya kanani gwaye. A mu mbembisa khu gungangamela nya gute gwaye.

Jakobe 5:8

Enu nenu, timiselani, mu nga garali, kholu, Pfhumu womo vbafuvbi ni gu vboha.

2 Pedro 3:10

Aholu Litshigu la Pfhumu li na vboha kha nga mbafa vbakari nya wutshigu. Litshigu lolo, ndzadzi yi na mwalalega gu pwala ligwaha nya gusamadzise. Satshavbo si guromo ndzadzini si navbya, litigo ni satshavbo si guromo tigoni si na fuviswa.