Luka 17:20 - Bhibhiliya Nya Guage

²⁰ Na wudzisidwe khu Vafarisi, pwani: “Lini wu na vbohago Mufumo wa Nungungulu?” A di va hakha, khuye: “Mufumo wa Nungungulu kha wu dzi yeyedzi wa gu bani wu guta.

Luka 17:20 Iomraidhean Croise

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Luka 10:11

‘Wonani, hi ngu phuphuta ni kudzudzwane nya lidhoropa lanu, wu nga bani wu dandramede migondroni gwathu, hi mi tshiyelani. Aholu dzitini nya gukhenu Mufumo wa Nungungulu womo vbafuvbi.’

Luka 14:1

Tshigu mwedo nya Sabhadho, na bede ndrangani ga moyo nya khongolo nya Vafarisi, gasi guya hodza. Vatshavbo va di khusa maho va mu khedza esi a girago.

Luka 16:16

Nayo ni sihevbudzo nya vaprofeti si thumide kala matshiguni ya Johane. Gukhugela avbo gu ngu hevbudwa Mahungu nya Yadi nya Mufumo wa Nungungulu. Muthu ni muthu a gu zama gu bela khu tshivba.

Luka 19:11

Na va gu pwa esi, Jesu a di engedzela gimbe gipimaniso, kholu a nga bani a romo vbafuvbi ni Jerusalema, nulo vathu va nga bani va gu hingigedza gukhavo Mufumo wa Nungungulu wu di guvbweta gu vboha khu guvbiredza.

Johane 18:36

Jesu a di khuye: “Mufumo wangu khandri wa mafuni momu. Nari pwani mufumo wangu khwa mafuni momu, sithumi sangu na si dwanide, gasi nyi si ningedwi ga Vajudha; aholu, mufumo wangu khandri wa omu.”