Luka 16:22 - Bhibhiliya Nya Guage

²² “Tshigu mwedo gi difa gisiwana gile, gi dzegwa khu dzingilozi dza Nungungulu gi yiswa vbafuvbi ga Abrahama. Mwama nya gitetema a difa nuye, aya dzingwa.”

Luka 16:22 Iomraidhean Croise

Joba 21:13

Matshigu yawe nya guvbanye va gu khala na va tsakide, kala va dzingwa khu gurula.

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Muhevbudzi 8:10

Nyi wonide gambe sighohi na si gu dzingwa gwadi si mana gu hefemula, aholu va nya gululama, vale va nga bani va bela ni gu duga wulangani nya guage, va divadwa dhoropani mule va giridego umo mithumo ya yadi. Isoso niso gu dzi pfhadza.

Isaya 14:18

Vafumeli vatshavbo nya mayigo, va dzingidwe khu wuzundzo, moyo ni moyo thowoni gwaye.

Isaya 22:16

Wa gu thuma ginani avba? Khu mani a gu ningidego nayo nya gukembe lithowo avba; nya gukala u pandra siwindri wulangani wu khusegidego u dzi girela wulanga wago nya mahegiso mugiwindrini!

Matewu 18:10

Dzi woneleni, mu nga nyenyini sanana sesi, ne gimwegyo, kholu nyi ngu mi embelani, kheni: Dzingilozi dzawe khu Ndzadzini gikhati gyatshavbo dza gu wona khovbe ya Babe wangu a guromo Ndzadzini.

Matewu 24:31

A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.

Matewu 8:11

Nyi ngu mi embelani nya gukheni va nata nya vangi khu Khugadambo ni Muhwadambo vata khala vbamezatunu gumogo ni Abrahama, ni Isaki, ni Jakobe Mufumoni wa Ndzadzini,

Marko 8:36

Giphaso muni a na gi manago wule a fumelago litigo rumba a gu hegisa khu gu dzimeledwa khu hefemulo waye?

Luka 12:20

Aholu Nungungulu a di mu embela, khuye: ‘Gipumbu gikhongolowe! Wutshigu wa muhuno va na gu dzegela hefemulo wago. Esi u nga vegedzelago si na tshalela mani?’

Luka 16:21

na gi gu pimisa khigyo mwendro gi na botedzela dzitsheta dzi nga bani dzi gu thega khu vbamezatunu gwaye. Gu di dzega ni dzimbwa dzi ta mu dandzela silondra.

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 13:23

Moyo nya vapizane, wule a nga bani a godwa khu Jesu, a di ninganide naye vbamezatunu.

Johane 21:20

Pedro, na thendregedzide, a di wona nya gukhuye va di gulandrwa khu mupizane wule a nga bani a godwa khu Jesu, wule, vbakari nya gilalelo a nga hidzimelago ga Jesu, a mu lembela, khuye: “Gasi khu mani a vbwetago gu gu ningela?”

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Vahebheru 2:14

Sanana a si thulago khu vathu nya givili ni novba. Jesu a dzi giride idzosaye ni avo afela gu pala, khu gufa gwaye, Sathane a nga bani ari ni tshivba nya gusonge.

Jakobe 1:11

Kholu, nga olu lidambo li dzurago khu tshivba, wu banga mwasi khu lihani, gu thega genge, wu vbela wumburi watshavbo, kharalo nugo, gi na wu na gitetema umo nya wugwewo waye.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

Gutuledwa 14:13

Nyi dipwa lito ndzadzini li nyi embela, khilo: “Lova, khuwe: Va kategide vale, gukhugela muhuno, va na felago mandzani ga Pfhumu.” Liphuvbo li di, khilo: “Ina, khidzo furi! Gugaralani gwawe va na mana guhefemula, kholu mithumo yawe yi ngu va landrela.”