Luka 16:19 - Bhibhiliya Nya Guage

¹⁹ A diromo mwama moyo nya gitetema a nga bani a gu ambala dzingandzu nya wuzundzo ni gu hodza gwadi matshigu yatshavbo.

Luka 16:19 Iomraidhean Croise

Mavingu 14:24

Gihugu gya va nya guti, khu thomba yawe; aholu wupumbu nya sipumbu, dzitshoni basi.

Mavingu 31:22

A gu dzi girela abune vholo, a dzi lugela sombo nya seda ni giwunguwungu.

Isaya 3:23

mabona, dzingandzu nya seda, mongo nya guhunge hungoni ni sikhongelo nya guwonegele.

Ezekiyeli 16:13

Khu guralo, nyi gu mburisede khu ndralama ni parata; guambala gwago a diri nya guage, nya seda ni mavalavala. Guhodza gwago, a diri wuguvbi nya gudadatwe, wulombe ni mafura nya guhutwe. U di engedzelana gumbura u gu godza makhalelo ya pfhumugadzi.

Ezekiyeli 16:49

Owu khu nandru wa ndriyago Sodhoma, uye gumogo ni sanana saye nya gutale khu matshandza ni wutetema, kholu va diri ni guhodza nya gutale ni sifuyo nya singi; kha va thela kota khu gu phasa sisiwana ni va nya guhamuga.

Ezekiyeli 27:7

Matanga yago ma di girwa khu seda nya mavalavala nya gumbure, nya gute khu tigoni ga Egipito, gasi gu gu thumela kha nga ngavbya; tshatsha wago, a diri mwendra nya giwunguwungu ni livala nya nga la damboni, si dugelago sidwani sa Elisani.

Marko 15:17

Va di mu ambagisa giwunguwungu, va luga gihugu nya miba va mu ambagisa hungoni gwaye.

Marko 15:20

Na va vbedzide gu hagana khuye, va di mu tshula mwendra nya giwunguwungu, va mu ambagisa dzingandzu dzaye, va duga naye gasi guya mu khokhothela.

Luka 15:13

Na ma vbindride matshigwana, mwama nya nandra a di donga lipfhumba, a gu dzega silo saye satshavbo, a pepetega ni mayigo, aya phalalegisa thomba yaye yatshavbo ni mibhedzwa.

Luka 16:1

Jesu a di embela gambe vapizane, khuye: “A diromo mwama moyo nya gitetema a nga bani ari ni muthangeli nya silo saye. Va diya mu lemba ga mune ndranga, khavo: ‘A ngu phalalegisela thomba yago.’

Luka 16:18

“Muthu watshavbo a hulago mwangadzi waye, a dzega mumbe, a ngu bhaya; oyu nuye a dzegago nyamayi nya guhudwe, a ngu bhaya.”

Luka 16:20

Gi diromo nigyo gisiwana nya gupwani khu Lazaro, gi nga bani gi tade khu silondra. Gi di ya khala nyangwani ya gitetema,

Gutuledwa 17:4

Nyamayi a di ambade mwendra nya giwunguwungu niyo nya gufuvile, na dzi mburisede khu ndralama, ni siwindri nya gukhedzige. Mandzani gwaye a di pharide gikombe nya ndralama nya gutale khu manyala ni ndzilo nya wubhayi waye.

Gutuledwa 18:16

“Libango! Libango lago uwe lidhoropa nya likhongolo, li nga bani li ambade myendra nya seda, nya siwunguwungu, nya gufuvile, nya gumburisedwe khu ndralama, ni siwindri nya lisima, ni dziperola. Kholu khu gikhatinyana nya gidugwana wu pfhungumugide wufumu nya wukhongolo ngudzu nya guvbindre tengo!”

Gutuledwa 18:7

Mu ningeni gutshaniseka ni wuvi nya guningane ni gidhumo, ni gutshamba a nga gu pwago, kholu khu monyoni gwaye wari, khuye: ‘Nyi khade vbagikhalotunu nya wufumu kha nga mufumeli, kha nyiri noni, gambe gima kha nyi napwa wuvi.’

Valamuli 8:26

Gulemela nya dziphera gu diri pimo nya magumavili mipimo nya ndralama, nyamba saya ni minganga, makhetshe ni guambala nya giwunguwungu, si nga bani si gu thumiswa khu Vamedhiyani, gumogo ni mikarara yi nga bani yi romo dzithamoni nya dzingameriya dzawe.