Luka 16:1 - Bhibhiliya Nya Guage

¹ Jesu a di embela gambe vapizane, khuye: “A diromo mwama moyo nya gitetema a nga bani ari ni muthangeli nya silo saye. Va diya mu lemba ga mune ndranga, khavo: ‘A ngu phalalegisela thomba yago.’

Luka 16:1 Iomraidhean Croise

Genesi 15:2

Khavbo avbo, Abrama a di hakha, khuye: “Pfhumu Nungungulu wangu, ginani U na nyi ningago, olu nyi nafago nyambana sanana, Eliyezeri, givelegwa gya Dhamasiko khuye a na khalago mune ndranga yangu.”

Genesi 43:19

Va di hidzimela ga muthangeli nya ndranga ya Josefa, va ganela naye mwanyani nya ndranga,

1 Dzikoronika 28:1

Dhavhidhe a di tombanisa manganagana yatshavbo ya na Israyeli dhoropani ga Jerusalema; manganagana nya mahundzu, vathangeli nya mitsawa yi nga bani yi thumela mufumeli, vathangeli nya sikwata nya likhumi mazana (1.000), ni vathangeli nya sikwata nya lizana (100), vavegedzi nya dzithomba dza mufumeli nidzo dza sanana saye, gumogo ni vahavisi nya sifuyo sa mufumeli, vathangeli nya dzinyimbi, va nya dzitshivba ni dzindrena dzatshavbo.

Mavingu 18:9

Muthu a khalago wugara ni thumo waye, a gu fanana ni muthu a golago gupfhungumula basi.

Hoseya 2:8

Khu guralo, nyi na tshika ndzila yaye khu miba; nyi na yi bhiya khu laba gasi a si dzi mani dzindzila dzaye nya guvbindre khumo.

Matewu 20:8

Na li hwide, mune lithembwe nya miuvha a di ruma ghadhi, khuye: ‘Rana sithumi u si hakhisa; phela khavo va nga hegisela gu vboha, u hegisela khavo va nga phela.’

Luka 12:42

Pfhumu a di phindrula, khuye: “Khu gevbini githumi nya guthembege, nya gugengele, gile gi na vegwago mbeli nya sithumi sikwawe khu mune ndranga, gasi gu ninga guhodza sithumi sikwawe khu gikhati gi vbwetegago?

Luka 15:13

Na ma vbindride matshigwana, mwama nya nandra a di donga lipfhumba, a gu dzega silo saye satshavbo, a pepetega ni mayigo, aya phalalegisa thomba yaye yatshavbo ni mibhedzwa.

Luka 15:30

Olu gi nga vboha gyanana gegi gyago gi nga phalalegisa thomba yago ni mibhedzwa, u gi songede gimombyana nya gunone.’

Luka 16:19

A diromo mwama moyo nya gitetema a nga bani a gu ambala dzingandzu nya wuzundzo ni gu hodza gwadi matshigu yatshavbo.

Luka 16:2

Mune ndranga a di rana muthangeli a mu wudzisa, khuye: ‘Nyi ngupwa vathu nya vangi na va gu regera khuwe. Gasi mahungu muni? Nyi yeyedze mithumo u giridego, kholu nya guvbweta gu gu dusa thumoni.’

Luka 19:20

“A dita mumbe a ta, khuye: ‘Pfhumu, pondro yago khu yi woni eyi, nyi di yi fumbede khu mwendra nyi yi vegisa gwadi.

Luka 8:3

Jowana, ngadza Kuza, muthangeli nya madhota ya Herodhi; Suzana, ni vambe nya gutale, va nga bani va gu phasa Jesu khu silo sawe.

Tito 1:7

Kholu muthangeli nya Libandla, a rwadego thumo nya gusayise silo sa Nungungulu, gu vbwetega nari muthu nyambana gihoso, nyamba dzi gugumugisa, nyambana wukhusu, a si gu bewudzi, nyambana sighirimuka, a si gu pari nya wugwewo nya guvivbe.

Jakobe 4:3

Mwa gu lomba, kha mu ningwi, kholu, kha mu kodzi gu lomba. Enu mwa gu lombani silo nya gutsakise sivili sanu.

1 Pedro 4:10

Khalani vagimbidzisi nya vadi nya siningwa mu hakhidego ga Nungungulu. Muthu ni muthu a na thumise giningwa gyaye afela gu phasa vakwawe.