Luka 15:8 - Bhibhiliya Nya Guage

⁸ A di engedza gambe, khuye: “Khu wevbini nyamayi, nya gu, nari ni likhumi dziphera nya ndralama a dzimedza mweyo, a si rothigo kandriya, a vbiyela ndrangani gwatshavbo, na gu khedzisa gwadi, kala a yi mana?

Luka 15:8 Iomraidhean Croise

Ezekiyeli 34:12

Kha nga muhavisi a wuyisago dzinvuta dzaye, litshiguni a manago idzo dzi dzimedego, kharato eni neni nyi na vbweta dzinvuta dzangu. Nyi na dzi wuyisa khu malangani yatshavbo dzi phalalegedego umo khu litshigu nya mazuvi ni gidema.

Matewu 5:15

Kha yi rothwi kandriya yi fenengedzwa khu gitundru, aholu ya gu vegwa avbo yi kodzago gu wenengedza khavbo vatshavbo va guromo nyumbani.

Luka 15:7

Nyi ngu mi embelani, kheni: Gu na manega gunengela nya gukhongolo Ndzadzini khu kotani nya gighohi gimwegyo basi, gi dzi layago guvbindra avo nya livbandre na mana magumi ni livbandre na vana vathu nya ndruda va si vbwetigo gu dzi laya.”

Luka 15:9

Na yi mane, a ngu rana dzipari ni vaakelane, a va embela, khuye: ‘Nyi phaseni gu tsaka, kholu nyi yi mane phera yangu yi nga bani yi dzimede.’

Luka 19:10

Kholu Mwamana wa Muthu tede guta vbweta ni gu vbanyisa avo va nga bani va dzimede.”

Johane 10:16

Nyi ngari ni dzimbe dzinvuta dzi si lumbigo liphandro leli; idzo nidzo nyi ngu fanela gu dzi havisa; dzi napwa lito langu. Khu kharato li na manega liphandro limwedo ni muhavisi moyo basi.

Johane 11:52

Nasiri gufela litigo nya Vajudha basi, aholu gufela gambe gutshanganisa sanana sa Nungungulu si phalalegidego.

Mithumo 19:19

Vathu nya vangi va nga bani va gu thumisa wun'yanga nya wutumbe, va di resa dzisolo dzawe va ta dzi vbisa na va gu wonwa khu vathu vatshavbo. Ga satshavbo esi si nga vbiswago, si di gu ningana tengo nya livbandre mazana nya mazana (500) dzitsapawu nya parata.

Vaefeso 2:17

Guta gwaye gu hi resede mahungu yadi nya gutsakise, nya gurule; gurula ga enu mu nga bani muri hwindzo, ni ga avo va nga bani na vari vbafuvbi.