Luka 15:27 - Bhibhiliya Nya Guage

²⁷ Gi di mu embela, khigyo: ‘Khu ndriyago a widego. Babe wago a di songa gimombyana nya gunone, gasi gu mu wuyedza khigyo, kholu wide khu mawundru ni mawogo.’

Luka 15:27 Iomraidhean Croise

Matewu 22:4

A di ruma nyaluphye simbe sithumi, a si embela, khuye: ‘Indrani muya va tivisa, khenu: Guhodza gu vidzidwe; nyi songetede dzimombe dzangu ni sifuyo nya gunone; satshavbo si dongisedwe. Deluni buzotunu.’

Luka 15:26

A di rana githumi gimwegyo a gi wudzisa, khuye: ‘Gasi mahungu muni?’

Luka 15:28

Mwama nya koma a di goroga, a si dzini ni gu bela. Aholu, babe waye a diya mu khongotela gu bela.

Luka 15:30

Olu gi nga vboha gyanana gegi gyago gi nga phalalegisa thomba yago ni mibhedzwa, u gi songede gimombyana nya gunone.’

Mithumo 22:13

A dita nyi vbweta. Na nyi mane, a dita ema vbafuvbi gwangu a nyi embela khuye ‘Sawule, ndriyangu, ma na tulege maho yago u wone.’ Khu gikhati gyogyo, maho yangu ma di tulega, nyi wona.

Mithumo 9:17

Khavbo avbo, Ananiya a di khuga a hongola, na vbohide a di bela nyumbani a gu handzega mandza Sawule a mu embela khuye: “Sawule ndriyangu, Pfhumu Jesu, wule a nga gu tumbulugela ndzilani, gikhati u nga bani u guta, khuye a nga nyi ruma guta gu tula maho ni gu gu ninga Liphuvbo nya Guage.”

Filemoni 1:16

Nasiri gambe gu mu gira kha nga khumbi; aholu mu hakhe kha nga ndriyago, nyi mu golago ngudzu eni, aholu ngudzungudzu uwe, a gu ndriyago khu wuthu ni ga Pfhumu.

1 Samuweli 28:24

Nyamayi a diri ni gimombyana nya gunone; a di gi songa a gi vbiredzisela a suga wuguvbi, a gi phula ni sibaba nyambana mela.