Luka 15:24 - Bhibhiliya Nya Guage

²⁴ kholu mwamana yoyu wangu a di fude, olu a ngu vbanya; a di dzimede, olu manegide.’ Khavbo avbo, buzo wu di phela.

Luka 15:24 Iomraidhean Croise

Genesi 45:28

Israyeli a di nengela a ganela, khuye: “Gyanana gyangu Josefa gi ngu vbanya! Basi, nyi eneledwe. Nyi na ya mu wona na nyi si gufi.”

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 66:11

Kholu mu na mama mu khura, khu mahwe nya gutangadzise gwaye; gasi mu buza mu bwelo khavbo mu tsakiswa khu gu tala ni gungangamela nya wudhumo waye.”

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Ezekiyeli 34:4

Iyo nya gumbana tshivba kha wa yi tiyisa, iyo yi dwalago, khwa yi hawulugisa, ni gu hungelela silondra iyo yi nga bayiswago. Idzo dzi nga pambugago, kha mwa dzi wuyisa, ambari idzo dzi dzimedego kha mwa dzi landra. Aholu mwa gu dzi fumela khu tshivba ni dzihanyi.

Matewu 8:22

Jesu a di mu hakha, khuye: “Uwe nyi landre. Va dige vafi va dzinge vafi vakwawe.”

Marko 8:22

Khavbo avbo, va di vboha Bhetisayidha; Va di mu resela mwama nya gikhumu, va gu mu lomba gu a mu khuhe.

Luka 10:19

Dzitini nya gukhenu nyi mi ningide tshivba nya gugandre dzinyoga ni dzihume, gumogo ni tshivba nya gupale wuhungu watshavbo wa nala. Gi mwalo gi na gu mi girago gilo.

Luka 15:23

Resani gimombyana nya gunone muta gi songa, hi hodza, hi nengela,

Luka 15:25

“Mwama nya koma a di romo mahangeni. Na gu wuya, nari vbafuvbi ni gu vboha gaya, a di pwa vathu na va gu embelela ni gu hana ndrangani.

Luka 15:32

Aholu hi na ni fanelo nya gugire buzo, hi tsaka, kholu ndriyago a di fude, olu a ngu vbanya; a di dzimede, olu manegide.’ ”

Luka 15:4

“Khu wevbi, vbakari gwanu uye nya gu nari ni lizana (100) dzinvuta, a gu dzimeledwa khu mweyo, a si digigo idzo nya livbandre na mana magumi ni livbandre na dzina (99) panini, a gu hongola a gimbila a vbweta iyo yi nga dzimela, kala a yi mana?

Luka 19:10

Kholu Mwamana wa Muthu tede guta vbweta ni gu vbanyisa avo va nga bani va dzimede.”

Luka 9:60

Jesu a di mu embela, khuye: “Va dige vafi va dzingane khu gyawe. Gasi uwe indra u gimbila u tivisa Mufumo wa Nungungulu.”

Johane 11:25

Jesu a di engedza gambe, khuye: “Eni kheni guwuga, kheni guvbanya. Uye a khodwago gwangu, ambari na fude, a na vbanya

Johane 5:21

Kha nga ulo Babe a wusago va nya gufa ni gu va ninga womi, kharato nuye Mwamana a na vbanyisa avo a vanago.

Varoma 11:15

Olu khu gu pfhuraredwa gwawe, litigo li manidego wuhigo nya gutshanganiswe ni Nungungulu, guwani esi si na dugelelago gikhati va na hakhwago nyaluphye? Ni ava va nga bani va fude va na vbanya.

Varoma 12:15

Nengelani ni vale va nengelago, mu lila ni vale va lilago.

Varoma 6:11

Kharato nenu, dzi gireni kha nga vathu va fudego va gu hambana ni gighoho, aholu, va vbanyago gumogo ni Kristo, va gu vbanyela Nungungulu.

Varoma 6:13

Mu nga ningelini ga gighoho sivbango nya givili gyanu mu si girani silo nya guthumele guvivba. Aholu, dzi ningeleni ga Nungungulu nga vathu va tshatugidego gufa va gu mana guvbanya. Dzi ningedzeleni wurumba wanu gu thumela Nungungulu, mu dzi gira sivbango nya guthumele silo nya gululame.

Varoma 8:2

Kholu nayo nya Liphuvbo nya guvbanye li ningago guvbanya khu gu hi tshanganisa ni Jesu Kristo wu nyi tshude ga nayo nya gighoho ni ga tshivba nya gufe.

1 Vakorinto 12:26

Gya gu saniseka givbango gimwegyo, satshavbo sa gu saniseka gumogo nagyo; gya gu zundzwa givbango gimwegyo, satshavbo sa gu nengela gumogo nagyo.

Vaefeso 2:1

Gale mu di fude hefemuloni khu kotani nya sihoso ni sighoho sanu. Uye a mi ningide guvbanya.

Vaefeso 2:5

Ethu hi nga bani hi fude khu kotani nya sighoho sathu, a hi wuside khu ga Kristo. Enu mu vbanyisidwe khu wuhigo.

Vaefeso 5:14

kholu silo satshavbo sa gu khala guwonegelani, sa gu wenengedzwa. Khidzo gu ganedwago pwani: “Khendzuga uwe u ladego, wuga khu ga vafudego, Kristo a na gu wenengedza.”

Vakolosi 2:13

Enu mu di fude khu kotani nya sighoho sanu ni kotani nya tumbunugo nya mikhuwo yanu nya giwuthu, aholu, Nungungulu a mi ningide nyaluphye guvbanya ni Kristo, a gu hi divalela sighoho sathu satshavbo.

1 Thimoti 5:6

Aholu, oyu a dzi ningedzelago gutsakisa givili, ambari na gu vbanya, fude.

Judha 1:12

Vathu vava, khavo va gu gikhuvekiso mitshanganoni gwanu nya wundruye, va gu hodza ni gu leva malevelo nya dzitshoni, nya gukhunguvanyise. Avo va gu dzi havisa vabune wurumba wawe. Va gu khala nga mapfhi nyambana ndzadzi ma pengiswago khu phuvbo; va gu khala nga misimbo yile nya gu, ambari vbamatshigatunu yi si velegigo mihandro; va khade nga misimbo yi sigudwago ni mikhamba yaye, yifa yi banga;

Gutuledwa 3:1

Lovela ngilozi ya libandla la Sardhesi, khuwe: “Wule a gu ni livbandre na mavili maphuvbo ya Nungungulu ni livbandre na dzimbili dzinyeledzi, wari, khuye: Nyi ngu yiti mithumo yago, u na ni ndruma nya gupwani u ngu vbanya. Gasi u fude.