Luka 15:20 - Bhibhiliya Nya Guage

²⁰ A di phara ndzila aya ga babe waye. “Na nga guta khu hwindzo, a di wonwa khu babe waye, a nga pwago gisiro, a mu khinga khu mazambo, aya mu wugarela ni gu mu bhejari.

Luka 15:20 Iomraidhean Croise

Genesi 33:4

Khavbo avbo, Esawu a di tutuma a mu khingamedza aya mu phara a mu wugarela, a mu bhejari, va lila khu wuvili wawe.

Genesi 45:14

Khavbo avbo, a di wugarelana ni ndriyaye Bhejami, a lila, Bhejami nuye a di lila mawogoni gwaye.

Genesi 46:29

Na va vbohide, Josefa a di ruma gu dongisela kareta yaye, a khuga a hongola Goseni gu khinga babe waye. Na mu wonide a di mu wugarela thamoni a gu lila gikhati nya gulaphe mawogoni gwaye.

2 Samuweli 14:33

Khavbo avbo, Jowabhi a di hongola ga mufumeli aya mu embela. Mufumeli a di ranisa Abhisalamo, uye a diya dzi wonegisa ga mufumeli, a noga a thega khu khovbe vbavbatshi a yeyedza githawo mbeli gwaye. Mufumeli a di bhejari Abhisalamo.

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Dzindzimo 86:5

Kholu uwe Pfhumu, u wadi u ngu tsetselela; u ngu hakha khu mandza mavili vatshavbo va gu khozelago.

Isaya 49:15

Ina womo nyamayi a divalago gyanana gyaye gi nga gu mama, a si khathali khu gyanana a nga gi dusago khu mahembeni gwaye, gani? Ambari uye a gu divaledwa, eni gima kha nyi na nga divaledwa khuwe.

Isaya 57:18

Eni nyi wonide dzindzila dzawe, aholu nyi na va vbanyisa; gambe nyi na va gimbidzisa khu ndzila bwelo khavbo nyi va tangadzisa nyaluphye, ni vale va lilago.

Jeremiya 31:20

Ina kamwe Efrayimi khandri uye gyanana gyangu nya gigodwa, gani? Gyanana gi godwago khu monyo wangu, gikhati nya gingi mapimo yangu kha ma digi gu mu alakanya; ni monyo wangu wa gu salala mbeli gwaye, khu guralo, nyi na mu pwela wuhindzi; a ngu ganela Pfhumu Nungungulu.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Luka 15:19

Nyi mwalo gambe fanelo nya guranwe gyanana gyago, nyi phare kha nga moyo nya sithumi sago!

Luka 15:21

Mwamana wule a di khuye: ‘Baba, nyi ghohide mahoni gwa Nungungulu ni mahoni gwago, nyi mwalo gambe fanelo nya guranwe gyanana gyago.’

Mithumo 2:39

Kholu khu lisine gitumbiso gya gu lumba enu ni sanana sanu ni vatshavbo vale va guromo hwindzo; vatshavbo ava Nungungulu Pfhumu yathu a va ranago gwaye.”

Mithumo 20:37

Vatshavbo va di lila va mu wugarela va mu bhejari.

Vaefeso 2:13

Gasi olu, enu gale mu nga bani muri hwindzo ni Kristo, mu hidzimisidwe vbafuvbi khu mhamba nya Novba wa Kristo.

Vaefeso 2:17

Guta gwaye gu hi resede mahungu yadi nya gutsakise, nya gurule; gurula ga enu mu nga bani muri hwindzo, ni ga avo va nga bani na vari vbafuvbi.