Luka 15:13 - Bhibhiliya Nya Guage

¹³ Na ma vbindride matshigwana, mwama nya nandra a di donga lipfhumba, a gu dzega silo saye satshavbo, a pepetega ni mayigo, aya phalalegisa thomba yaye yatshavbo ni mibhedzwa.

Luka 15:13 Iomraidhean Croise

Dzindzimo 73:27

Avo va dzi pambulago gwago, va nafa; uwe u ngu fuvisa vatshavbo avo va si khodwigo gwago.

Mavingu 18:9

Muthu a khalago wugara ni thumo waye, a gu fanana ni muthu a golago gupfhungumula basi.

Mavingu 21:17

Uye a golago gu dzi tsakisa a na khala gisiwana, ni wule a golago vbinyu ni mafura, gima kha na fuma.

Mavingu 21:20

Thomba ni mafura nya lisima sa gu manega nyumbani ga muthu nya mapimo, aholu gipumbu gya gu mwaladzela satshavbo gi gu naso.

Mavingu 27:8

Kha nga ginyoni gi vbuvbelago hwindzo ni gihaga gyaye, kharato nugo mwama, a digago ndranga yaye.

Mavingu 28:7

Uye a sayisago Nayo, gyanana nya mapimo, aholu oyu a hengelago ni va nya limidzo, a gu poyila babe waye.

Mavingu 29:3

Muthu a golago guti a gu nengedzisa babe waye, aholu uye a golago sibhayi, a gu mwaladzela thomba yaye.

Mavingu 6:26

Nyamayi nya liphuphulu a ngu fidhwa khu gipandre nya gibaba, aholu nyamayi nya gibhayi a gu sota mavbanyelo nya yadi.

Isaya 1:4

Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Isaya 22:13

Aholu enu mu di womba mikulungwane ni mighiyo; mu songa dzimombe ni dzinvuta; mu hodza dzinyama ni gu sela mawadwa nya mangi! Mu bwelo khavbo, khenu: “Hi na hodze ni gu sela, kholu mindru hi nafa.”

Isaya 30:11

Ndreyani ndzilani momo, hambanani ni gindzilana gyogyo, mu nga hi embelini gambe khu oyu a Agidego wa Israyeli.

Isaya 56:12

Na va gu ganela, khavo: “Deluni, hi na resa wadwa nya guvave hi ta sela, litshigu la mindru li na fanana ni muhuno, li manega nari litshigu nya likhongolo guvbindra mambe.”

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 2:5

Pfhumu Nungungulu a ngu ganela kharati, khuye: “Gasi guvivba muni va gu wonidego vababe vanu avbo gwangu, gu kala va hambana ni eni, va ya namarela ga sifananiso nyamba phasa gilo, va vbindrugedza va khala maphuphulu?”

Mikeya 6:3

Enu vathu vangu, ginani nyi mi giredego? Nyi di mi lemedza ngudzu, gani? Nyi phindruleni.

Luka 15:12

Uye nya nandra a di embela babe waye, khuye: Baba, nyi ninge thomba yi nyi lumbago. Babe wule a di va kabanisa thomba va vavili.

Luka 15:14

Na vbedzide thomba yaye yatshavbo, gu di manega ndzala nya yikhongolo tigoni mule, a gu phela gu saniseka.

Luka 15:30

Olu gi nga vboha gyanana gegi gyago gi nga phalalegisa thomba yago ni mibhedzwa, u gi songede gimombyana nya gunone.’

Luka 16:1

Jesu a di embela gambe vapizane, khuye: “A diromo mwama moyo nya gitetema a nga bani ari ni muthangeli nya silo saye. Va diya mu lemba ga mune ndranga, khavo: ‘A ngu phalalegisela thomba yago.’

Luka 16:19

A diromo mwama moyo nya gitetema a nga bani a gu ambala dzingandzu nya wuzundzo ni gu hodza gwadi matshigu yatshavbo.

Vaefeso 2:13

Gasi olu, enu gale mu nga bani muri hwindzo ni Kristo, mu hidzimisidwe vbafuvbi khu mhamba nya Novba wa Kristo.

Vaefeso 2:17

Guta gwaye gu hi resede mahungu yadi nya gutsakise, nya gurule; gurula ga enu mu nga bani muri hwindzo, ni ga avo va nga bani na vari vbafuvbi.

2 Pedro 2:13

Va na livba khu sisaniso guvivba va nga girelago vakwawe. Avo va ngu tsakiswa khu dzitshoni ni gikhunguvanyiso, va gu hagana gikhati nya mihani khu mahaganelo yawe nya wukanganyisi, gikhati va hengelago nanu mibuzoni.