Luka 14:23 - Bhibhiliya Nya Guage

²³ Khavbo avbo, a di embela githumi gyaye, khuye: ‘Indra dzindzilani ni sindzilanani, u gimbila u rana vatshavbo va ta bela, mwendro nyumba yangu yi na tala.

Luka 14:23 Iomraidhean Croise

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Dzindzimo 98:3

Alakanyide lihaladzo ni gutumbega gwaye ga ndranga ya Israyeli, dzitshokani nya litigo gu wonidwe guvbanyisa ga Nungungulu wathu.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Matewu 21:43

“Khu kharato, nyi ngu mi embelani, kheni: Mu na dzegedwani Mufumo wa Nungungulu wu ningedwa ga lihundzu li na gu thelago mihandro.

Matewu 5:41

Uye a gu gurumedzago gu mu vbwelegedza pfhuka nya kilometro mweyo, engedzela gu mu vbwelegedza mumbe pfhuka yi khala mivili.

Luka 14:22

Githumi gi di wuya gita, khigyo: ‘Pfhumu, nyi giride kha nga idzo u rumidego khidzo, aholu wu nga tshade wulanga.’

Luka 14:24

Nyi ngu mi embelani nya gukheni ni moyo nya vale nyi nga bani nyi va ranide kha na linga buzo wangu.’ ”

Luka 24:29

Gasi avo va di mu khadzisa, khavo: “Khala ni ethu, kholu lidambo li hwidwe, wutshigu wu nguya na wu hidzimela.” A di bela, gasi guya khala navo.

Mithumo 16:15

Hwane nya gu bani a bhapatisidwe uye ni ndranga yaye yatshavbo, a di hi lomba, khuye: “Mwa gu wona gukhenu eni nyi muthu a khodwego ga Pfhumu, belani nyumbani gwangu mu khale.” A di hi gurumedza gu bela.

Mithumo 18:6

Na wone gu bomba gwawe ni gupwa magana nya guvale, a di khuga a phuphutha dzingandzu dzaye a va embela, khuye: “Novba wanu wu na vbalagele mihungoni gwanu, eni kha mu nyi woni, nyi agide, gukhugela muhuno nyi na hongola ga va nya mayigo.”

Mithumo 28:28

“Khalani na mu gu dziti nya gukhenu Mahungu yaya nya guvbanyise hi ningwago khu Nungungulu ma tivisidwe ga va nya mayigo, gambe avo va na ma hakha.”

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

2 Vakorinto 5:11

Olu hi gutigo gu thavisega ga Pfhumu, hi ngu dzi garadza khu gu embela lisine vathu. Nungungulu a ngu hiti gwadi, nyi ngu tumba nya gukheni enu nenu mu ngu hitini khu myonyoni gwanu.

2 Vakorinto 5:20

Khu guralo, ethu hi sirumwa sa Kristo, Nungungulu khuye a ganelago gwanu khu eni. Hi ngu mi khongotelani khu lina la Kristo: Tshanganani ni Nungungulu.

2 Vakorinto 6:1

Ethu hi gu vaphasedzeli va Nungungulu, hi ngu mi khongotelani gukhethu, mu nga digi wu luzega wuhigo wa Nungungulu mu hakhidego.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.

Vakolosi 1:28

Hi ngu tivisa Kristo ga vathu vatshavbo. Hi ngu laya ni gu hevbudza vathu vatshavbo gasi va mane wuhengeli nya guvbelele ni Kristo.

2 Thimoti 4:2

Ganela Mahungu nya Yadi u simamisa gu gira kharato, gikhati nya gugaradze nigyo nya guvbevbuge kawuka, luleka ni gu khongotela khu gutimisela gwatshavbo ni gu hevbudza.