Luka 14:13 - Bhibhiliya Nya Guage

¹³ Wa gu dongisela buzo, rana sisiwana, silima, sikhurubwa ni sikhumu.

Luka 14:13 Iomraidhean Croise

2 Samuweli 6:19

A di kabanisela vathu vatshavbo ni gidzemo gyatshavbo gya na Israyeli, gukhugela ga vama kala ga vanyamayi, moyo ni moyo, a mana gipandre nya gibaba, gitsuwu nya nyama ni dziuvha nya gubange. Khavbo avbo, vathu va di phalalega, muthu ni muthu a hongola gaya gwaye.

2 Dzikoronika 30:24

Ezekhiya, mufumeli wa Judha, a di ningela ga gidzemo nya tshangano, likhumi mazana (1.000) dzimombe, ni livbandre na mavili magumi mazana (7000) dzinvuta; manganagana nayo ma di ningela ga tshangano, likhumi mazana (1.000) dzimombe, ni likhumi magumi mazana (10.000) dzinvuta; vaphasi nya mhamba khu wungi wawe va di dzi agisa.

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Nehemiya 8:12

Vathu vatshavbo va di hongola magaya gwawe, vaya hodza ni gusela va nengela ngudzu va rumela iso va nga si tshiyago ga vambe, kholu va di manide tshamuselo nya magana va nga embedwego.

Joba 29:13

Gikategiso gya oyu a nga bani nari vbafuvbi ni gufa gi dita avbo gwangu, nyi tsakisa monyo nya noni.

Mavingu 14:31

Uye a tshanisago gisiwana, a gu vala Muvangi waye, aholu uye a sayisago gwadi gisiwana a gu zundza Nungungulu.

Mavingu 22:9

Muthu nya wuhindzi, a na mana makategwa, kholu iso a gu naso, a gu hodza gumogo ni gisiwana.

Isaya 58:10

wa gu kabana silo sago ni oyu apwago ndzala, ni gu khurisa uye a vbisegago, khavbo mwenge wago wu na dzurago mugidemani, gu khala safa nga vbakari nya mihani.

Isaya 58:7

Ni gu kabana guhodza gwago ni oyu a gu mwalo gilo nya guhodze, ni gu hakha sisiwana si gu mwalo gaya, ni gu ambagisa uye a gu mwalo guambala, u nga gikheli marundra ndriyago.

Matewu 15:30

A di tedwa khu vathu nya vangi ngudzu, va mu resela sikhurubwa, silima, sikhumu, sidudu ni vambe vadwali, va ta va vega migondroni gwaye. Uye a di va hawulugisa vatshavbo.

Matewu 22:10

Sithumi, na si phalalegide ni dzindzila, si di rana vatshavbo si nga va manago: Nya vadi navo nyamba vadi, kala gu tadza nyumba nya buzo khu vathu.

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

Luka 14:12

Khavbo avbo, a di embela wule a nga mu ranago, khuye: “Wa gu dongisela buzo nya gukari, u nga rani dzipari dzago, vandriyago, valongo, vaakelane vale nya sitetema; u pima gukhuwe avo navo va na gu rana, gasi va gu bweledzela.

Luka 14:14

U na bani u kategide, kholu kha va na mana igyo nya gubweledzele khigyo; u na bweledzedwa khu litshigu nya guwuge ga va nya gululama.”

Luka 14:21

Githumi gi di bwelela giya tivisa esi ga mune ndranga. Khavbo avbo, mune ndranga a di goroga, a gu embela githumi gyaye, khuye: ‘Indra, olu kamwe, dhoropani gwatshavbo, u gimbila u rana avo u na va manago mu dzindzilani: Sisiwana, silima, sikhumu ni sikhurubwa.’

Mithumo 9:39

Pedro a di dzegela gu khuga a gu hongola navo. Na vbohide, va di mu yisa nyumbani ga vbatshani; dzinoni dzatshavbo dzi di hidzimela vbafuvbi gwaye, dzi mu yeyedza dzingandzu ni myendra a nga sonago Tabhita, na nga gu vbanya navo.

Dhewuteronome 14:29

Khavbo avbo, a nata mulevhi (a gu mwalo gipandre ambari thomba vbakari gwago), muluveli, khulungu ni noni; va guromo dhoropani gwago, va na hodza va khura, gasi Pfhumu Nungungulu wago, a gu kategise ga yatshavbo mithumo ya mandza yago.

Dhewuteronome 16:11

U na tsaka mbeli ga Pfhumu Nungungulu wago, uwe, gyanana gyago nya gikhwathana ni nyamahegyane wago, githumi gyago nya mwama, egi nya nyamayi ni Mulevhi a guromo dhoropani gwago, ni muluveli, dzikhulungu, ni vamalile va guromo vbakari gwago, wulangani owu Pfhumu Nungungulu wago a na gu wu hathago gu khala avbo lina laye.

Dhewuteronome 16:14

U na nengela khu buzo wago, uwe ni gyanana gyago nya gikhwathana, nya nyamahegyane, githumi gyago nya mwama, nya nyamayi, Mulevhi, muluveli, khulungu ni malile, va guromo ndrani nya madhoropa yago.

1 Thimoti 3:2

Kholu, muthangeli gu vbwetega muthu a lulamidego, mwama nya wadi nya gurule a gu ni nyamayi moyo basi, a dzi pharago, a gengedego, a kodzago gu hakha vapfhumba ni gu hevbudza.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

Tito 1:8

Aholu, gu vbwetega oyu a kodzago gu hakha vapfhumba, a gola esi nya sadi, gu vbwetega muthu nya mapimo a gu ni lisine, a gu mukhodwa, ni ndruda;

Filemoni 1:7

Nyi nengede ngudzu nyi salala khu kotani nya lihaladzo lago, kholu myonyo nya sihathwa yi rude khu kotani yago, wandruye.

Vahebheru 13:2

Mu nga divali gu hakha vapfhumba, kholu, vambe, khu gu hakha vapfhumba, va hakhide dzingilozi nyamba dziti.