Luka 14:11 - Bhibhiliya Nya Guage

¹¹ Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

Luka 14:11 Iomraidhean Croise

2 Samuweli 22:28

Kholu uwe wa gu vbanyisa va nya gusolega u tshisa vbavbatshi va nya matshandza.

Joba 22:29

Wa gu hembuludwa, uwe u na khuwe: Nyi khusedze! Kholu Nungungulu a gu vbanyisa avo va dzi nogisago.

Dzindzimo 138:6

Ambari ulo Pfhumu Nungungulu a guromo vbatshani ngudzu, Uye a ngu yingisa avo va dzi sodzisago; va nya matshandza, a gu vati nari khu hwindzo.

Dzindzimo 18:27

Kholu uwe wa gu vbanyisa sisiwana u tshisa vbavbatshi va nya matshandza.

Mavingu 15:33

Guthava Pfhumu Nungungulu gihevbudzo nya guti, gu dzi nogisa gu gomo wuzundzo.

Mavingu 18:12

Monyo nya muthu, wu si gu thegedwi khu mhango, wa gu dzi khusedza ngudzu, aholu wuzundzo gu wu mana khu gu dzi nogisa.

Mavingu 25:27

Guhodza ngudzu wulombe khandri gwadi, kharato nugo wuzundzo nya gu dzi vbwetele, khandri wuzundzo.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Matewu 23:12

Uye a dzi khusedzago a na sodziswa; gasi uye a dzi sodzisago a na khusedzwa.

Luka 1:51

Giride silo sikhongolo khu mandza yaye, phalalegiside va nya matshandza.

Luka 1:52

Tshiside vafumeli musikhaloni gwawe nya wufumu a gu khusedza va nya gusolega;

Luka 14:12

Khavbo avbo, a di embela wule a nga mu ranago, khuye: “Wa gu dongisela buzo nya gukari, u nga rani dzipari dzago, vandriyago, valongo, vaakelane vale nya sitetema; u pima gukhuwe avo navo va na gu rana, gasi va gu bweledzela.

Luka 18:14

Nyi ngu mi embelani, kheni: Oyu muhengisi nya khupho khugide khu vbale a hongola gaya na tsetseledwe, gasi mufarisi khandriso si nga mu dugelago. Kholu watshavbo muthu a dzi khusedzago a na vbwasamiswa, gasi uye a dzi sodzisago a na khusedzwa.”

Jakobe 1:9

Aholu ndriyathu nya gisiwana a na nengele a gu ningwa guvbanya nya wutshukwana.

Jakobe 4:10

Dzi sodziseni mbeli ga Pfhumu, uye a na mi khusedza.

Jakobe 4:6

Uye a ngu ninga giphaso; kholu, Milowo nya Guage yari, khiyo: “Nungungulu a ngu wugela va nya matshandza, a phasedzela va nya gu dzi nogisa.”

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”

1 Pedro 5:6

Khu guralo, dzi nogiseni vbavbatshi nya mandza nya tshivba ya Nungungulu, gasi a mi khusedze khu gikhati gi enedego.

1 Samuweli 15:17

Samuweli a di engedza a mu embela, khuye: “Ambari ulo u nga bani u dzi wona kha nga gyanana guwonani gwago, ina khwa khala muthangeli nya mahundzu yatshavbo ya na Israyeli, ni gu todzwa khu Pfhumu Nungungulu gu khala mufumeli wawe, gani?”