Luka 13:7 - Bhibhiliya Nya Guage

⁷ Khavbo avbo, a di embela musayisi nya lithembwe, khuye: ‘Myaga miraru khoyu na nyita vbweta maguyu omu, kha nyi ma mani. Wu koke, kholu wa gu gundrela wulime mahala.’

Luka 13:7 Iomraidhean Croise

Ekisodha 32:10

Nyi dige nyi va nonedza guvbisa nya likhulo langu, nyi va mbembisa. Aholu Eni nyi na wusa lihundzu nya likhongolo khavbo gwago.”

Dhaniyeli 4:14

Gulamula gogu, gu di tiviswa khu dzingilozi, nayo wu leletedwa khu va nya guaga. Gasi avo va vbanyago va dziti gukhavo uye a Khusegidego ngudzu a ngu fuma mifumo yatshavbo nya vathu ni gu ninga ni wevbini a mu golago ambari nari wa gu solega guvbindra vatshavbo, a ngu mu emisa vbakari gwawe.

Levhi 19:23

Avbo mu na guya belago tigoni nya sisambanyo, mu naya yala misimbo yatshavbo nya mihandro, mihandro yakone yi woneni na yi nyenyezide; mu na vbedza myaga miraru nyamba hodzani mihandro.

Levhi 25:21

Eni nyi na mi ninga gikategiso gyangu khu mwaga nya livbandre na moyo, gasi gu ninga mihandro nya guningane myaga miraru;

Matewu 7:19

Simbo watshavbo wu si velegigo mihandro nya yadi wu ngu kokwa wu rinywa niloni.

Luka 13:8

Aholu musayisi a di khuye: ‘Pfhumu, wu dige mwaga yoyu, gasi eni nyi na wu limela, nyi wu thedzela mati ni gitoromu.

Luka 3:9

Gibhewula gyomo tshinani nya misimbo. Khu kharato, simbo watshavbo wu si ningigo mihandro nya yadi wu na kokwa, wu rinywa niloni.”

Johane 15:2

Ni levbini litamo li nyi lumbago, la gumba ninga mihandro, uye a na li pila; gasi lile li ningago mihandro, a ngu li thena, li fela gu ninga mihandro nya yingi.

Johane 15:6

Uye a si khaligo neni, a na vegwa phuvbo, a banga kha nga litamo; matamo nya nga ayoyo ma gu wungedzedwa ma gu vbiswa.