Luka 13:6 - Bhibhiliya Nya Guage

⁶ A di va embela gambe gipimaniso gegi: “Muthu moyo a diri ni nguyu a nga yalago thembweni gwaye. Adiya khedza khuye mwendro a naya mana maguyu, aholu kha ya mana gilo.

Luka 13:6 Iomraidhean Croise

Jeremiya 2:21

Eni kamwe nyi gu hathide kha nga simbo nya wadi nya vhinya nyi gu yala kha nga mbewu nya wuzundzo; khu ginani olu u nga dzi vbindrugedza u khala simbo nya limbe lifumbu nyamba phasa gilo?

Jeremiya 8:13

“Nyi na va vbiyela havo bhi.” A ngu ganela Pfhumu Nungungulu. Kha gu na tshala likandzu vbatshani nya kandzu, ambari lidimwa dimwani ni mahagane ma na wu na; olu nyi rumede avo va na gu ya va sasela.

Luka 13:5

Nyi ngu mi embelani, kheni: Khandridzo. Aholu mwa gumba vbindrugedza mavbanyelo yanu mu na fisa nenu guralo.”

Luka 3:9

Gibhewula gyomo tshinani nya misimbo. Khu kharato, simbo watshavbo wu si ningigo mihandro nya yadi wu na kokwa, wu rinywa niloni.”

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Vagalatiya 5:22

Gasi mithumo ya Liphuvbo la Nungungulu, kheyi: Lihaladzo, litsako, gurula, gutimisela, gu dzi ningedzela, ndruda, wuwadi, gutumbega,

Vafilipi 4:17

Khandri gu khwatshi nya gudwanela miningelo, aholu nyi ngu gola mu engedzedwa wuhindzi wanu.

Valamuli 9:11

Khu guralo, ndzawa wu di va hakha khuwo: Gu ngu kodzega gu eni nyi hambana ni handro wangu nya wadi ni gu lombela, nyi ya khala mufumeli nya misimbo, gani?