Luka 13:35 - Bhibhiliya Nya Guage

³⁵ Olu ndranga yanu yi na khala marumbi. Khu lisine nyi ngu mi embelani gukheni: Kha mu na nyi wona gambe, kala li vboha litshigu mu no, khenu: A na rungudzwe uye atago khu lina la Pfhumu!

Luka 13:35 Iomraidhean Croise

Dzindzimo 118:26

Kategide oyu atago khu lina la Pfhumu Nungungulu; ethu hi ngu gu rungudza na hiri Nyumbani ga Pfhumu Nungungulu.

Dzindzimo 69:25

Lizumboni gwawe gu na khale giwula, gambe gu nga manegi ni moyo nya guvbanye mitshatshani gwawe.

Isaya 52:7

Edzi yi mburidego khidzo sigomoni migondro ya vale va tivisago mahungu nya yadi nya maphya, va pwadzago gurula; va tivisa silo nya sadi nya gutsakise si pwadzago guvbanyisa, oyu a embelago Siyoni, khuye: “Nungungulu wago a ngu fuma!”

Jeremiya 22:5

Aholu, mwa gumba yingisa magana yaya, Eni Pfhumu Nungungulu, nyi ngu sambanya khu lina langu gukheni, ndranga yeyi yi na vbindrugedza yi khala marumbi.

Jeremiya 35:17

Khu guralo, Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: “Nyi na resa ga va na Judha ni ga vatshavbo vavbanyi va Jerusalema libango nyi va tivisidego; kholu nyi va embede, aholu kha va nyi yingisa; nyi va ranide, kha va nyi hakha.”

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Zakariya 14:2

Kholu nyi na tombanisa mayigo yatshavbo ma ta hengela gu dwanisa Jerusalema; lidhoropa li na wandrwa, dzinyumba dzi na pfhungumuledwa, vanyamayi va na pfinywa, gipandre nya vathu va dhoropani va na vbagedwa va yiswa wugumbini, aholu avo va na tshalago kha va na tutumiswa dhoropani.

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Luka 19:41

Gikhati a nga vbohago dhoropani ga Jerusalema, a li khedza gwadi, a di lila, khuye:

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Johane 12:13

va di dzega matamo nya migindru, va mu khinga, na va gu emba, khu lito limwedo, khavo: “Hosana! A na rungudzwe uye atago khu lina la Pfhumu! A na rungudzwe Pfhumu ya na Israyeli!”