Luka 13:27 - Bhibhiliya Nya Guage

²⁷ Uye a na mi hakhani, khuye: ‘Gale na nyi mi embedeni gukheni kha nyi mi tini umo mu tago khumo. Leyani mahoni gwangu, enu mwatshavbo mu girago guvivba.’

Luka 13:27 Iomraidhean Croise

Dzindzimo 1:6

Kholu Nungungulu a ngu yiti ndzila nya vathu nya gululame, aholu ndzila nya vathu nya guvivbe monyo ya gu va yisa gufani.

Dzindzimo 101:8

Tshigu ni litshigu, nyi na mbembisa sighohi satshavbo sa tigoni, gasi nyi fuvisa dhoropani gwa Pfhumu Nungungulu, avo va girago guvivba.

Dzindzimo 119:115

Leyani hwindzo gwangu enu va nya guvivba, gasi nyi sayisa sileletelo sa Nungungulu wangu.

Dzindzimo 125:5

Aholu, vale va ndreyago va bela khu dzindzila nya guvivbe, Pfhumu Nungungulu a na va pata gumogo ni sighevenga. Gurula gu na manege ga va na Israyeli!

Dzindzimo 28:3

U nga nyi tsayisi gumogo ni sighohi, ni vale va thumisago wughevenga; khu likana va gu ganela khu gurula, aholu myonyoni gwawe va na ni makungo nya guvivbe.

Dzindzimo 5:6

U ngu fuvisa va nya malipha, Pfhumu Nungungulu a ngu nyenya gighevenga ni muthu nya wuvafa.

Dzindzimo 6:8

Ndreyani mbeli gwangu, mwatshavbo mu girago guvivba kholu Pfhumu Nungungulu pwide huwa nya gulile gwangu.

Hoseya 9:12

Ambari va gu velega sanana, eni nyi na va dzegela, gasi va vbela havo bhi! Kholu, libango avbo gwawe, va gu hambana ni eni!

Matewu 25:12

Aholu mwane a di si hakha, khuye: ‘Khu lisine, kha nyi mi tini.’

Matewu 25:41

“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye.

Luka 13:25

A gu kala mune ndranga a khuga a sega lidimba, mu na khalani vbavbandze, mu khokhotha lidimba, na mu gukhenu: ‘Hi tulele, pfhumu!’ Aholu uye a na mi hakhani, khuye: ‘Kha nyi mi tini; mwa guta khu hayi?’

1 Vakorinto 8:3

Aholu, muthu a gu haladza Nungungulu, Nungungulu nuye a na mu muti.

Vagalatiya 4:9

Gasi olu mu mutigo Nungungulu, ni olu muhuno mu tidwago khu Nungungulu, khu ginani mu bwelelela hwane muya dzi gira gambe dzikhumbi nya silo si gu mwalo giphaso?

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”