Luka 13:21 - Bhibhiliya Nya Guage

²¹ Wu ngu fanana ni mela wu nga dzegwago khu nyamayi moyo a wu pfanga ni ndrengo tharu nya wuguvbi, kala wu gugumugisa wuguvbi watshavbo.”

Luka 13:21 Iomraidhean Croise

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Matewu 13:33

Jesu a di va ninga gambe gimbe gipimaniso, khuye: “Mufumo wa Ndzadzini wu ngu fanana ni mela wu nga dzegwago khu nyamayi moyo a wu pfanga ni ndrengo tharu nya wuguvbi, kala wu gugumugisa wuguvbi watshavbo.”

Luka 13:20

A di ganela gambe, khuye: “Nyi na wu pimanisa ni ginani Mufumo wa Nungungulu?

Johane 15:2

Ni levbini litamo li nyi lumbago, la gumba ninga mihandro, uye a na li pila; gasi lile li ningago mihandro, a ngu li thena, li fela gu ninga mihandro nya yingi.

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

1 Vakorinto 5:6

Gu dzi zundza gwanu khandri gwa gilo. Ina mwa gu hangwa khu gukhenu melana wudugwana wu ngu gugumugisa wuguvbi watshavbo, gani?

Vafilipi 1:6

Nyi ngu tumba gukheni uye Nungungulu a phedego gwanu thumo waye nya wadi, a na wu londrowodza kala li gu vboha litshigu la Kristo Jesu.

Jakobe 1:21

Khu guralo, digani sihena satshavbo nya gunyenyeze, ni mavbanyelo yatshavbo nya guvivbe. Hakhani khu gurula Mahungu ya Nungungulu a yalago myonyoni gwanu, aya ma dzi kodzago gu mi vbanyisa.