Luka 13:14 - Bhibhiliya Nya Guage

¹⁴ Aholu muthangeli nya nyumba nya nombelo, na wonide khuye Jesu hawulugiside muthu khu Sabhadho, a di goroga, a gu embela gidzemo, khuye: “Mu na ni livbandre na limwedo matshigu vbakari nya semana gasi gu girani mithumo yanu. Deluni khu matshigu yoyo gasi guta hawulugiswani, nasiri khu Sabhadho.”

Luka 13:14 Iomraidhean Croise

Ekisodha 20:9

U na thuma livbandre na limwedo matshigu u gira mithumo yago yatshavbo.

Ekisodha 23:12

Umo nya livbandre na limwedo matshigu u na thuma mithumo yago, aholu khu litshigu nya livbandre na mavili u na diga gu thuma, u hefemula; gu na hefemula mombe yago, buru yago, gyanana gya khumbi yago ni muluveli a vbanyago tigoni gwanu va na hefemula navo.

Ezekiyeli 20:12

Nyi va ningide gambe dzisabhadho dzangu, dzi khale kha nga giyeyedzo vbakari gwawe, gasi va kodze guti gu gukhavo eni kheni Pfhumu Nungungulu, nyi va agisago.

Ezekiyeli 34:21

Khu guralo, enu mu gurumedzide dzinvuta dzangu gu rindrividza khu hwambo ni magata, mu tshovha khu dzikeho idzo nyambana tshivba kala mu dzi dusa vbavbandze;

Levhi 23:3

Mu na thuma livbandre na limwedo matshigu, aholu eli nya livbandre na mavili, litshigu nya Sabhadho nya guhefemule, nya tshangano nya guage. Mu nga thumi thumo khu litshigu lolo. Litshigu nya Sabhadho nya gurungudze Pfhumu Nungungulu, malangani gwatshavbo mu vbanyago umo.

Matewu 12:2

Vafarisi, na va wonide esi, va di mu embela, khavo: “Va phelegede vapizane vago gu gira iso si himbedzedwago gu girwa khu litshigu nya Sabhadho!”

Marko 5:22

A di vboha moyo nya muthangeli nya nyumba nya nombelo, lina laye nya gupwani khu Jayiro. Na wonide Jesu; adiya khidzima migondroni gwaye.

Luka 6:11

Avo va di tala khu giviti, na va gu wudzisana khu gyawe, khavo: “Ginani hi na gu girago khu Jesu?”

Luka 6:7

Vahevbudzi nya Nayo ni Vafarisi va di khusa maho va mu khedza, gasi gu mu wona mwendro a na mu hawulugisa khu Sabhadho, va fela gu mana igyo nya gu mu mole khigyo.

Luka 8:41

A di tedwa khu mwama moyo nya gupwani khu Jayiro, a nga bani ari muthangeli nya nyumba nya nombelo. A di dzi thesa migondroni ga Jesu a gu mu lomba gu a hongole ndrangani gwaye,

Mithumo 13:15

Na va hevbude lidangalila nya Nayo ni eli nya vaprofeti, vathangeli nya nyumba nya nombelo va di va embela, khavo: “Vandruye, mwa gu bani muri ni mahungu nya gulose khayo libandla, ganelani.”

Mithumo 18:17

Khavbo avbo, vatshavbo va di wugela Sostene, muthangeli nya nyumba nya nombelo, va mu veta vbafuvbi ni phathani Aholu, Galiyo kha nga si thela kota.

Mithumo 18:8

Krispo, muthangeli nya nyumba nya nombelo, a di khodwa ga Pfhumu, gumogo ni ndranga yaye yatshavbo. Vakorinto nya vangi va nga pwa Pawulo va di khodwa, va gu bhapatiswa.

Varoma 10:2

Kholu nyi ngu dzi kodza gu va emela nyi fakaza gukheni avo va ngu dzi garadza ngudzu khu silo sa Nungungulu. Nombo basi khu gu va gu dzi garadzela wukhumuni,

Dhewuteronome 5:13

U na thuma livbandre na limwedo matshigu u gira mithumo yago yatshavbo.