Luka 13:11 - Bhibhiliya Nya Guage

¹¹ Avbovbo a di romo nyamayi moyo a nga bani ari ni liphuvbo nya guvivbe, li nga bani li gu mu sanisa gipimo nya likhumi na livbandre na miraru myaga: A di gimbila na nogide, a si dzi kodzi gu ololoka.

Luka 13:11 Iomraidhean Croise

Joba 2:7

Khu guralo, Sathane a di duga mbeli ga Pfhumu Nungungulu, aya veta Joba khu madwali nya sithunya nya guvbise ngudzu, gukhugela mawundruni kala hungoni.

Dzindzimo 145:14

Pfhumu Nungungulu a ngu tiyisela avo va kanakanago, a gu wusa avo va rerekago va thega.

Dzindzimo 146:8

Pfhumu Nungungulu a ngu tula maho sikhumu, a gu wusa avo va vbelago tshivba; Uye a ngu gola vale va lulamidego.

Dzindzimo 38:6

Nyi nogide ngudzu nyi gamega guvbindra pimo, litshigu latshavbo nyi gimbila na nyi gu lila.

Dzindzimo 42:5

Uwe monyo wangu, khu ginani u khuvekidego? Wa gu vbisega khu ginani ndrani gwangu? Tumba Nungungulu, kholu nyi nga na gu mu rungudza, uye khuye muphasi ni Nungungulu wangu.

Dzindzimo 6:2

Nyi pwele wusiwana Pfhumu Nungungulu, kholu nyi ngu vbela tshivba; nyi hawulugise Pfhumu Nungungulu, kholu marambo yangu ma ngu khuyugela.

Matewu 4:23

Jesu a di gimbila tigoni gwatshavbo ga Galileya, na gu hevbudza mudzinyumbani nya nombelo, gumogo ni gu tivisa Mahungu nya Yadi nya mufumo, na gu hawulugisa vathu dzingumbe dzawe dzatshavbo, ni madwali.

Marko 9:21

Jesu a di wudzisa babe wakone, khuye: “Phedwe vbanyalini?” Babe wule a di mu hakha, khuye: “Gukhugela wanana waye;

Luka 13:12

Jesu, na mu wone, a di mu rana, a gu mu embela, khuye: “Nyamayi, hawuluga wudwali wago.”

Luka 13:16

Ina nyamayi yoyu, a gu gyanana gya Abrahama, a nga bani a gu saniswa khu Sathane gipimo nya likhumi na livbandre na miraru myaga, mwalo fanelo nya guvbanyiswe khu litshigu nya Sabhadho, gani?”

Luka 21:28

Gikhati si na gu phelago gu dugelela satshavbo sesi, tiyani longo mu khusedza dzithamo dzanu, kholu guvbanyiswa gwanu gu na bani gu vbohide.”

Luka 8:2

va diri naye vanyamayi vale a nga va vbanyisago khu gu va tutumisela maphuvbo nya guvivbe ni gu va hawulugisa dzingumbe nya gutale. Adiri avo: Mariya Madhalene, a nga mu dusela livbandre na mavili maphuvbo nya guvivbe,

Luka 8:27

Na dugide khu ngalavani, Jesu a di khingwa khu mwama moyo a nga bani a guta khu dhoropani. Mwama yoyo a diri ni maphuvbo nya mangi nya guvivbe. Adiri gale a nga bani a gu khala nyamba ambala gilo a di si khali ndrangani, a di vbanyela marowoni.

Luka 8:43

Vbakari gwawe a di romo nyamayi moyo a nga bani ari ni madwali nya gudugelele novba. Giride gipimo nya likhumi na mivili myaga, na gu phalalegisela thomba yaye yatshavbo dzinyangani, nyamba mana ni mweyo nya gu mu vbanyise.

Mithumo 3:2

Va dita vathu na va rwade mwama a nga bani ari gigoha gukhugela guvelegwani gwaye. Matshigu yatshavbo va dita mu vega vbamwanyatunu nya Nyumba ya Nungungulu gu ranwago pwani “Wumburi,” afela gu lomba zomola ga vathu va belago.

Mithumo 4:22

Kholu mwama a nga hawulugiswa a di vbindride magumana myaga nya guvelegwe gwaye.