Luka 12:5 - Bhibhiliya Nya Guage

⁵ Nyi na mi yeyedza uye mu fanelago gu mu thava: Thavani wule a gu ni tshivba nya gusonge ni gu rinya phalani nya nilo. Oyu khuye nya gufanele gu mu thava.

Luka 12:5 Iomraidhean Croise

Dzindzimo 9:17

Va nya guvivbedwa khu monyo, va na dzudzugwa phalani nya vafi, gumogo ni vathu vatshavbo va si khathaligo khu Nungungulu.

Mavingu 14:26

Gu ninga githawo Pfhumu Nungungulu gu na ni tshivba ni gutumba, sanana saye si na mana wulanga nya guthavele umo.

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Jeremiya 41:18

khu kotani nya guthave Vakalidhiya, kholu Ismayeli, mwamana wa Netaniya a nga songago Gedhaliya, mwamana wa Ayikamo, uye a nga ningwago ndronga nya wufumu khu mufumeli wa Bhabhiloni, gu khala mwamangulu nya litigo la Judha.

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Matewu 25:41

“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Matewu 5:22

Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo.

Marko 13:23

Khu kharato, dzi woneleni, nyi mi embedeni matshigu ma nga romo.

1 Vatesalonika 4:6

Ga silo sesi, kha gu vbwetegi na moyo a girela guvivba ndriyaye gukhodwani, ambari gu mu supha. Nga olu hi mi embedego ni gu mi tivisani, Pfhumu a ngu tsayisa satshavbo sighoho isoso.

Vahebheru 10:31

Gu ngu thisa ngudzu gu thegela mandzani ga Nungungulu a vbanyago.

2 Pedro 2:4

Nungungulu kha ditshedza dzingilozi dzi nga ghohago, aholu, a di dzi yisa phalani nya guete nya gidema a dzi diga mugidemani, a lindrela litshigu nya gu dzi lamule,

Gutuledwa 14:7

Ngilozi yi di huwelela khu tshivba, khigyo: “Ningani githawo Nungungulu, mu dhumiseni kholu gi vbohide gikhati gyaye nya gulamule! Khozelani Muvangi nya ndzadzi ni mafu ni linene ni sifefe nya mati.”

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”

Gutuledwa 20:14

Lufu ni lithowo si di rinywa tsivani nya nilo. Litsiva leli nya nilo khu gufa nya wuvili.