Luka 12:48 - Bhibhiliya Nya Guage

⁴⁸ Gasi gile gi na girago, khu wuhangi, silo si fanelago dzimboma, gi na kwapwa vbadugwanana. Kholu, ga wule a nga ningwa nya singi a na hengudwa ngudzu; wule a nga thembwago ngudzu a na lombwa ngudzu.”

Luka 12:48 Iomraidhean Croise

Levhi 5:17

Muthu a gu ghoha khu guphazama, nasiri kha gwenye a gira gilo gimwegyo nya esi si himbedzedwago khu Pfhumu Nungungulu, uye nuye ghohide, gambe a na rwala nandru waye.

Mitengo 15:27

Aholu a gu bani nari muthu moyo basi a ghohidego khu wuhangi, uye a na ningela giphongwana nya nyamayi nya mwaga moyo nya guvelegwe, gasi gu khala phaselo nya gulivbe sighoho.

Matewu 13:12

Kholu uye a gu naso a na engedzedwa, a gu mana nya singi; gasi uye a gu mwalo gilo ambari iso a gu naso, a na dzegedwa.

Matewu 23:14

Libango gwanu, enu vapfhadzi, vahevbudzi nya Nayo ni Vafarisi, mu phangago sifurugadzi mudzindrangani dzawe, na mu gu pfhadza gu gira milombelo nya gulaphe ngudzu. Khu kharato gulamudwa gwanu gu na bani guri gwa gulemela.

Luka 12:41

Pedro a di mu wudzisa, khuye: “Pfhumu, khu gipimaniso gyogyo wa gu thula basi ethu mwendro wa gu thula vathu vatshavbo?”

Luka 12:49

“Eni nyi dzude nyita rotha luvbya tigoni. Khu gugola gwangu nyi di guvbweta gukheni nilo wowu wu dzure khu tshivba.

Luka 16:2

Mune ndranga a di rana muthangeli a mu wudzisa, khuye: ‘Nyi ngupwa vathu nya vangi na va gu regera khuwe. Gasi mahungu muni? Nyi yeyedze mithumo u giridego, kholu nya guvbweta gu gu dusa thumoni.’

Johane 15:22

Nari pwani kha nya va tivisa, va diri mwalo nandru; gasi olu va mwalo divalelo.

Mithumo 17:30

Wonani, Nungungulu kha theli kota khu gikhati vathu va nga vbanya gidemani, a ngu tivisa olu ga vathu vatshavbo va malangani yatshavbo gu vbindrugedza mavbanyelo.

Dhewuteronome 25:2

Uye a ghohidego a gu bani a gu yela gu kwamudwa, mulamuli a na mu ladzisa vbavbatshi a kwamudwa nari mbeli gwaye, gu khedza khu tengo nya dzimboma nya nandru waye.

1 Thimoti 1:11

mayelano khu Ivhangeli nya wudhumo wa Nungungulu nyi ningidwego, a gu nambo nya makategwa.

1 Thimoti 1:13

A nyi girede esi, ambari nyi nga bani nyiri muvali, mutshanisi ni muhembululi. Ambari ulo, nyi mane wuhindzi kholu, nyi di gira khu wuhangi, gikhati nyi nga bani nyi si gu hakhi gukhodwa.

1 Thimoti 6:20

Gigodwa gyangu Thimoti, vegisa gwadi gukhodwa u gu hakhidego nga thomba. Ndreya ga maganelelo nya litigo ni gu ganedzana khu guti nya malipha.

Tito 1:3

Khu gikhati gyakone, tiviside guvbanya gogu khu magana yaye, Mahungu yoyo ma pharisidwe eni; eni nya gu ma huwelela khu guruma gwa Nungungulu, Muvbanyisi wathu.

Jakobe 3:1

Vandriyangu, mu nga dwaneli mwatshavbo gu khala vahevbudzi, kholu, kha nga mu dzitigo, ethu hi hevbudzago hi na mana gulamudwa nya gugaradze ngudzu guvbindra vambe.