Luka 12:4 - Bhibhiliya Nya Guage

⁴ Jesu a di engedza, khuye: “Nyi ngu mi embelani, enu dzipari dzangu: Mu nga thavi ava va songago givili, na va si dzi kodzi gu gira gimbe gilo.

Luka 12:4 Iomraidhean Croise

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Gizimba 5:16

Khanani gwaye gwa gulombela ngudzu; giemo gyaye gyatshavbo khya gu golega. Khidzo a khadego khidzo gigodwa gyangu eno mwama wangu, enu va nyamahegyanenu va Jerusalema.

Isaya 41:8

Aholu, uwe Israyeli, githumi gyangu, ni uwe Jakobe, nyi gu hathidego, livelego la pari yangu Abrahama,

Jeremiya 1:17

Aholu uwe, khuga u ema u dzi hunga giwunu khu libhandri, u va embeledzela satshavbo nyi na gu rumago; u nga vbeli tshivba mbeli gwawe, kholu gimwalo gi na gu thelago hwanga.

Jeremiya 1:8

U nga va thavi, kholu eni nyi nago gasi gu gu vbulugisa, a ngu ganela Pfhumu Nungungulu.

Jeremiya 41:18

khu kotani nya guthave Vakalidhiya, kholu Ismayeli, mwamana wa Netaniya a nga songago Gedhaliya, mwamana wa Ayikamo, uye a nga ningwago ndronga nya wufumu khu mufumeli wa Bhabhiloni, gu khala mwamangulu nya litigo la Judha.

Ezekiyeli 2:6

Uwe, mwamana wa muthu, u nga thavi, ambari gu khala hwanga khu magana yawe. Ambari va gu khala nga likhabi ni miba avbo gwago, uwe vbanya vbakari nya dzihume. U nga tedwi khu hwanga khiso va na ganelago, ambari gu thuruga khu gu va wona, kholu avo vathu nya guyeyise.

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Johane 15:13

Mwalo a gu ni lihaladzo nya likhongolo guvbindra wule a ningelago womi khu gufela dzipari dzaye.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 4:13

Va di liwuga khu gu wona gutiya ga Pedro ni Johane, va tidwago gupwani vathu nyambana sihevbulo, gambe va di si dugeli dzindrangani nya guwonegele va di gu vati khu lisine khavo vapizane va Jesu.

Vafilipi 1:28

Mu nga khalini hwanga khu kotani ya valala vanu, kholu silo sesi ga avo, si na khala giyeyedzo nya gumbembe. Aholu, ga enu, si na khala giyeyedzo nya guvbanyiswe. Silo satshavbo sa guta khu ga Nungungulu.

Jakobe 2:23

Khu guralo, gu di tadzisega avbo Milowo nya Guage yi ganelago, khiyo: “Abrahama khodwe ga Nungungulu. Khu gukhodwa gwaye, Nungungulu a mu wone nga moyo nya gululame.” A di ranwa pwani pari ya Nungungulu.

1 Pedro 3:14

Aholu mu na bani mu kategide mwa gu mana sisaniso khu kotani nya gugire iso nya sadi. Mu nga thavi muthu, gambe mu nga thurugi.

Gutuledwa 2:10

U nga khali hwanga khu gu wona gutshaniseka gu gu viredego. Ndrani nya matshigu yaya, Sathane a na khothela pasoni vambe ni vambe vbakari nya libandla lanu, gasi gu va lingwa. Mu na wona gutshaniseka nya gukhongolo gipimo nya likhumi matshigu. Tumba kala gufa, nyi na gu ambagisa gihugu nya womi nyamba bela.