Luka 12:36 - Bhibhiliya Nya Guage

³⁶ Kha nga sithumi si lindrelago pfhumu yawe, gu a wuye khu gulowolatunu, gasi guta mu tulela lidimba. Gikhati a na vbohago ata khokhotha.

Luka 12:36 Iomraidhean Croise

Genesi 49:18

Nya gu khedzisela guvbanyisa gwago, Uwe Pfhumu Nungungulu!

Isaya 64:4

Kholu gukhugela gikhati gya gale, gu si gu pwali silo nya nga esi, ambari khu dzindzeve, mwalo a si pwidego, mwendro khu maho gu wona Mumbe Nungungulu, vbavbandze ga uwe, u girelago nya singi vale va gu tumbago.

Luka 12:35

“Khalani na mu hungide siwunu sanu, na mu khondriside myenge yanu.

Luka 12:37

Si kategide sithumi sile si na ta manwago khu pfhumu yawe na si lindrede. Khu lisine nyi ngu mi embelani nya gukheni: A na sumela mwendra mu giwununi, a gu si khadzisa vbavbatshi, gasi gu si phamela.

Gutuledwa 19:7

Hongoleni hi tsake, hi nengela ni gu mu rungudza, kholu gi vbohide gikhati nya buzo wa Nvutana, mwangadzi waye gambe a dzi dongisede,

Gutuledwa 3:20

Nyi womo vbalidimbatunu nyi khokhotha. Uye a na pwago lito langu a nyi tulela, nyi na bela nyumbani gwaye nyi hodza naye, uye nuye a hodza ni eni.