Luka 12:32 - Bhibhiliya Nya Guage

³² Jesu a di engedza, khuye: “Mu nga thavi, tshambi dugwana, kholu Babe wanu dzinide gu mi ninga mufumo waye.

Luka 12:32 Iomraidhean Croise

Isaya 40:11

Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 53:6

Ethu hatshavbo hi di gu legalega kha nga dzinvuta nya gudzimele; muthu ni muthu a di gu bela khu yaye ndzila, aholu, Pfhumu Nungungulu a di mu rwega guvivba gwa ethu hatshavbo.

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Matewu 14:27

Khavbo avbo, Jesu a di va embela, khuye: “Rulani, mu nga thavi, kheni!”

Matewu 20:16

Kharati, va nya guhegisela va na bani vari va nya guphela; va nya guphela va na bani vari mahegisela. Kholu vangi va ranwago, aholu sihathwa si dugwana.”

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.

Matewu 7:15

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

Luka 10:21

Khu gikhati gyogyo, Liphuvbo nya Guage li di tadza Jesu khu litsako a gu ganela, khuye: “Nyi ngu gu rungudza, Baba, Pfhumu nya Ndzadzi ni mafu, kholu u sihede silo sesi va nya guti ni vagengeli, u si yeyedza ga va nya gusolega. Ina, Baba, kholu khiso si nga gu nengedzisago.

Johane 18:36

Jesu a di khuye: “Mufumo wangu khandri wa mafuni momu. Nari pwani mufumo wangu khwa mafuni momu, sithumi sangu na si dwanide, gasi nyi si ningedwi ga Vajudha; aholu, mufumo wangu khandri wa omu.”

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Mithumo 20:29

Nyi ngu dziti gwadi gukheni, hwane nya gu na nyi hongode, va na tshala va bela vale va vbwetago gupfhungumula libandla, nga masolwa ma phangago dzinvuta.

Varoma 6:23

Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.

1 Vakorinto 1:21

Kholu, vathu, khu guti gwawe, kha va dzi kodza gutugula Nungungulu mithumoni yi yeyedzago guti gwaye. Khu kharato, Nungungulu dzinide gu vbanyisa vale va khodwago khu mahungu nya wupumbu hi tivisago.

Vafilipi 2:13

kholu Nungungulu a ngu mi phasedzela gikhati gyatshavbo khu gu mi ninga gusuva ni guthuma guhaladza gwaye.

2 Vatesalonika 1:11

Khu guralo, hi ngu lomba ga Nungungulu wathu gikhati gyatshavbo khu enu, gasi a mi phasani gu girani dzifanelo nya guranwe gwanu, a mi ningani tshivba ni masuwo nya gutshambe, ni gu tiyisa gukhodwa gwanu.

2 Vatesalonika 1:5

isoso sa gu yeyedza gulamula nya lisine ogu Nungungulu a na gu mi sayelago mufumoni waye, khu kotani nya olu mu timiselago sigaradzoni.

Vahebheru 12:28

Khu guralo, hongoleni hi bonge, kholu, hi hakhide Mufumo wa ndzadzini, owu wu si kodzigo gu kutsungwa. Hongoleni hi bonge, hi khozela Nungungulu khu magirelo nya gu mu tsakise ni githawo.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

2 Pedro 1:11

Khu kharato, mu na ni fanelo yatshavbo nya gubele mufumoni nyamba vbela, wa Pfhumu ni Muvbanyisi wathu Jesu Kristo.

Gutuledwa 1:6

a gu hi gira vafumeli ni vaphasi nya mhamba ya Nungungulu Babe waye. Khyaye gidhumo ni tshivba kala gupindruga. Amen.

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.