Luka 12:19 - Bhibhiliya Nya Guage

¹⁹ Khavbo avbo, nyi na embela hefemulo wangu, kheni: Hefemulo wangu, u nga saniseki; hodza, sela, tangala, kholu u fumide thomba u na hodzago myaga nya mingi.’

Luka 12:19 Iomraidhean Croise

Joba 14:1

“Muthu a velegidwego khu nyamayi, matshigu yaye ma rode, na ma tade khu sigaradzo.

Dzindzimo 49:18

Na gu vbanya a di dzi tsakisa abune, khuye: “Va ngu gu zundza kholu silo sago satshavbo si ngu gimbila gwadi,”

Dzindzimo 62:10

Mu nga tumbini tshivba, mu nga dzi gugumugisi khu gu gira guvivba; mwa gu fuma dzithomba nya gutale, mu nga vegini avbo myonyo yanu.

Mavingu 10:2

Thomba nya gu yi mane khu wudambane, kha yi phasi gilo, aholu, gululama gu ngu vbulugisa muthu lufuni.

Mavingu 14:24

Gihugu gya va nya guti, khu thomba yawe; aholu wupumbu nya sipumbu, dzitshoni basi.

Mavingu 18:11

Lidhoropa nya likhokhola la muthu nya gufume khu thomba yaye, uye a gu alakanya khuye libhiyo li mu vhikelago.

Mavingu 23:5

U nga vegi maho yago ga thomba u si yeligo gu yi mana, kholu iyo yi na mana mambapi kha nga lighama, yi vbuvba yiya damboni.

Mavingu 27:1

U nga dzi zundzi khu litshigu la mindru, kholu litshigu la muhuno khu siti iso si na gu dugelela.

Muhevbudzi 11:9

Lidzaha, dzi tsakise khu wudzaha wago, u tsakisa monyo wago matshigu nya wudzaha wago; gimbila khu ndzila yi godwago khu monyo wago, ni gu gola nya maho yago; aholu dziti nya gukhuwe Nungungulu a na gu lamula khu satshavbo soso.

Muhevbudzi 2:24

Gimwalo gi gu gyadi ga muthu guvbindra guhodza, gusela, gutsaka ni gukhalega khu handro nya thumo waye. Aholu esi niso nyi si wone gukheni sa guta khu mandzani ga Nungungulu.

Isaya 22:13

Aholu enu mu di womba mikulungwane ni mighiyo; mu songa dzimombe ni dzinvuta; mu hodza dzinyama ni gu sela mawadwa nya mangi! Mu bwelo khavbo, khenu: “Hi na hodze ni gu sela, kholu mindru hi nafa.”

Isaya 5:11

Libango ga avo va vindrugelago gu wuga va landrisela mawadwa, va sela, va leva, kala ni vbakari nya wutshigu va vbiswa, khu wadwa.

Isaya 5:8

Libango ga avo va hengeledzelago dzinyumba, avo va engedzelago marembwe gikhati gyatshavbo, kala va gu khala vamune nya malanga yatshavbo nya litigo.

Isaya 56:12

Na va gu ganela, khavo: “Deluni, hi na resa wadwa nya guvave hi ta sela, litshigu la mindru li na fanana ni muhuno, li manega nari litshigu nya likhongolo guvbindra mambe.”

Hoseya 12:8

Efrayimi a di ganela, khuye: “Nyi khade gitetema khu gu ghanya thomba nya yingi! Ga mithumo yangu yatshavbo nyi giridego, kha va na mana avbo gwangu guvivba mwendro gighoho.”

Amosi 6:13

Enu mu tsakelago iso nyamba phasa gilo, mu ganela, khenu: Ina khandri tshivba yathu hi nga pala khiyo, gani?

Habhakuka 1:16

Khu guralo, a gu girela miphaso ligoga laye, a vbisela libani miranga yaye, kholu khiso si mu nonisago, mabhindzu yaye ni guhodza gwaye.

Luka 12:18

Na pimiside gwadi a di tugula mano, khuye: ‘Nyi ngu giti igyo nyi na girago. Nyi na pfhungumula sisangala sangu, nyi vbaha nya sikhongolo, gasi gu vega umo dzimbewu dzangu ni silo sangu satshavbo.

Luka 16:19

A diromo mwama moyo nya gitetema a nga bani a gu ambala dzingandzu nya wuzundzo ni gu hodza gwadi matshigu yatshavbo.

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

1 Vakorinto 15:32

Nari pwani litunga nya likhongolo ngudzu nyi nga li dwanago dhoropani ga Efeso nyi di dwanela silo nya vathu basi, ginani nyi nga hadza gu wuyedwa khigyo? A gu bani ari lisine gupwani ava va fudego kha va wugi, hi na gira nga esi si nga ganedwago, pwani: “Hi na hodze hi sela kholu mindru hi nafa.”

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.

1 Thimoti 5:6

Aholu, oyu a dzi ningedzelago gutsakisa givili, ambari na gu vbanya, fude.

1 Thimoti 6:17

Tivisa ava va gu sitetema nya dzithomba nya mafu yaya, va nga giri matshandza ambari gu tumba thomba nyamba tiya. Va na tumbe Nungungulu, oyu a hi ningago silo satshavbo hi si thumisa.

2 Thimoti 3:4

Va nya malipha, va nya mapimo nya guvivbe, va nya gugola gu dzi tsakisa khu silo nya mafu guvbindra Nungungulu.

Jakobe 5:5

Enu mu vbanyide mafuni momu khu manonwa ni gu dzi londrola. Khu guralo, mu enide nga dzimombe dziyago gusongwani.

1 Pedro 4:3

Gale enu mu luzide gikhati nya gingi khu gu girani esi va nya mayigo va si golago gu gira. Gikhati gyogyo, enu mu di gu vbanya wubhayini, ni gudogolela nya givili, ni wubewudzi, ni limidzo, ni guleva, ni gunyenyeza gwatshavbo nya gukhozele vanungungulu nya malipha.

Gutuledwa 18:7

Mu ningeni gutshaniseka ni wuvi nya guningane ni gidhumo, ni gutshamba a nga gu pwago, kholu khu monyoni gwaye wari, khuye: ‘Nyi khade vbagikhalotunu nya wufumu kha nga mufumeli, kha nyiri noni, gambe gima kha nyi napwa wuvi.’

1 Samuweli 30:16

Avbo lidzaha li nga relelago gu vbelegedza Dhavhidhe, Vaamaleki va di phalalegide ni gipandre nya litigo, na va gu hodza ni gu sela, na va gu tsakela thomba nya yingi va nga yi wandra tigoni ga Vafilisitiya ni ga Judha.