Luka 12:16 - Bhibhiliya Nya Guage

¹⁶ Khavbo avbo, a di va embela gipimaniso gegi: “Gi diromo gitetema nya gukari gi nga fumago dzimbewu nya dzingi.

Luka 12:16 Iomraidhean Croise

Joba 12:6

Mitshatsha nya dzimbafa ya gu khadzisega, ni vale va valago Nungungulu, va gu khala na va tiyide; Nungungulu a gu va ninga satshavbo mandzani gwawe.

Joba 24:23

A ngu va diga va sayisega gikhatinyana na va khadzisegide; aholu maho yaye ma gu khevisela dzindzila va gimbilago khidzo.

Dzindzimo 73:12

Khidzo kharato ga nya guvivba; va khadzisegide, va gu wungedzela dzithomba.

Dzindzimo 73:3

Kholu eni nyi di gu girela lidiwo va nya gu dzi khusedza, khu gu wona gukheni silo sawe sa gu duga gwadi.

Ezekiyeli 16:49

Owu khu nandru wa ndriyago Sodhoma, uye gumogo ni sanana saye nya gutale khu matshandza ni wutetema, kholu va diri ni guhodza nya gutale ni sifuyo nya singi; kha va thela kota khu gu phasa sisiwana ni va nya guhamuga.

Hoseya 2:8

Khu guralo, nyi na tshika ndzila yaye khu miba; nyi na yi bhiya khu laba gasi a si dzi mani dzindzila dzaye nya guvbindre khumo.

Matewu 13:8

Gasi khu guhegisa, yimbe yi thegela wulimeni nya wadi, yi di thela mihandro: Dzomo dzi nga thela lizana; dzimbe, livbandre na limwedo magumi; dzimbe, magumararu dzimbewu.

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Luka 12:15

A di simama gu ganela, khuye: “Mu ngu pwani, dzi woneleni ni wudogodogo watshavbo, kholu guvbanya nya muthu kha gu valedwi khu thomba yaye, ambari na yi tade nya guwani.”

Luka 12:17

Gi di alakanya monyoni gwaye, kharati: ‘Nyi na gira kharini nya nga olu nyi gu mwalo wulanga nya guvegedzele dzimbewu dzangu?’

Mithumo 14:17

Kha diga gu dzi yeyedza khu wufakazi nya esi nya sadi a nga girago; a resa khu vbatshani ndzadzi, ndzinango nya dzimbewu, a gu mi khurisa, a tadza myonyo yanu khu gunengela.”