Luka 12:15 - Bhibhiliya Nya Guage

¹⁵ A di simama gu ganela, khuye: “Mu ngu pwani, dzi woneleni ni wudogodogo watshavbo, kholu guvbanya nya muthu kha gu valedwi khu thomba yaye, ambari na yi tade nya guwani.”

Luka 12:15 Iomraidhean Croise

1 Dzipfhumu 2:40

Khavbo avbo, Simeyi a di khuga a ladza sighwabhata vbaburutunu gwaye, a hongola Gati, ga Akisi, a landra sithumi saye. Khu kharati Simeyi a di dzega sithumi saye a bwelela naso.

Joba 2:4

Sathane a di phindrula Pfhumu Nungungulu, khuye: “Tshongi khu tshongi basi. Muthu a ngu dzi kodza gu ningela satshavbo a gu naso, gasi gu kodza gu vbanyisa womi waye.

Dzindzimo 10:3

Kholu muthu nya guvivbedwe khu monyo, a gu bhuma khu manavelo yaye nya guvivbe, muthu nya makolo a gu nyenya, a vala Pfhumu Nungungulu.

Dzindzimo 37:16

Sidugwana va gu naso vathu nya gululame si na ni lisima, guvbindra thomba nya yingi nya vathu nya guvivbedwe khu monyo.

Dzindzimo 62:10

Mu nga tumbini tshivba, mu nga dzi gugumugisi khu gu gira guvivba; mwa gu fuma dzithomba nya gutale, mu nga vegini avbo myonyo yanu.

Mavingu 15:16

I tshukwana gu mana sidugwana nu gu ninga githawo Pfhumu Nungungulu, guvbindra gu mana thomba nya yingi, nuri ni sigaradzo.

Mavingu 16:16

Gu mana guti guvbindra gu mana ndralama, ni gu mana mapimo, guvbindra gu mana parata.

Mavingu 28:16

Muthangeli nyambana mapimo, a gu engedzela sitshaniso nya singi, aholu uye a gumba dzumela gu rengeledwa, a na laphisa matshigu yaye nya gufume.

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Mikeya 2:2

Va gu dogorela marembwe va gu ma wandra, va gu dogorela dzinyumba, va gu dzega khu kanu; kharato va gu gira dzihanyi ga mwama nya gukari gumogo ni ndranga yaye, ga muthu nya gukari gumogo ni thomba yaye.

Habhakuka 2:9

Libango ga wule a wungedzelago nyumbani gwaye dzithomba nya gube, gasi gu vega gihaga gyaye vbatshani, gasi a kodza gu dzi vbanyisa ga gyandza nya guvivbe!

Marko 7:22

gumba khodwa, lidiwo, milembo, matshandza ni wupumbu.

Luka 12:16

Khavbo avbo, a di va embela gipimaniso gegi: “Gi diromo gitetema nya gukari gi nga fumago dzimbewu nya dzingi.

Luka 16:14

Vafarisi, kha nga ulo va nga bani vari vathu nya ligungo, na va pwide magana ya Jesu, va di mu hembulula.

Luka 21:34

“Dzi woneleni, mu nga pfhali khu limidzo ni gu leva, gambe mu nga pfhadzwi khu sigaradzo nya guvbanye! Mu ngata manwa khu litshigu lolo na mu pfhade,

Luka 8:14

Mbewu yi nga thegela mibani khu vale nya gu, na va pwide mahungu ya Nungungulu va hegisa khu gu ma diga va padwa khu sigaradzo nya guvbanye, khu dzithomba ni sihungato nya mafu, iso si girago gu va si theli mihandro.

1 Vakorinto 6:10

ni dzimbafa, ni va nya ligungo, ni dzibewudzi, ni va nya milembo, ni va nyambana milayo, gima kha va na bela Mufumoni wa Ndzadzini.

Vakolosi 3:5

Songani myonyoni gwanu gunavela gwatshavbo nya wuthu wa mafuni: Wubhayi, horo, wuphuphulu, mahingigedzo nya guvivbe ni ligungo a gu idzosaye ni gu khozela vanungungulu nya malipha.

2 Thimoti 3:2

Kholu vathu va na dzi khusedza va khala va magundrele, va nya gugola dzitsapawu, va nya matshandza, va nya gu dzi gugumugisa, va nya gu wugela Nungungulu, gumba yingisa vavelegi, gumba bonga, va nyamba khodwa.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

Josuwa 7:21

Nyi di wona vbakari nya sombo si phangidwego, gifenengelo nya gumbure gya Bhabhiloni, ni mazana mavili (200) nya masekeli nya dzisikulu nya parata ni giwindri nya ndralama nya livbandre magumi dzisikulu, nyi di si dogorela nyi si dzega; nyi si kembela mafuni vbavbatshi nya tshatsha wangu, parata nyi yi vega khu vbavbatshi.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.