Luka 11:9 - Bhibhiliya Nya Guage

⁹ “Khu kharato, nyi ngu mi embelani, kheni: Lombani, mu na ningwa; vbwetani, mu na si mana; khokhothani, mu na tuledwa.

Luka 11:9 Iomraidhean Croise

Dzindzimo 118:5

Vbakari nya sigaradzo, nyi di lombelela ga Pfhumu Nungungulu, Uye a di nyi yingisa a nyi vbanyisa.

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Dzindzimo 27:8

Monyo wangu wu ngu nyi embela, khuwo: “Vbweta khovbe yaye.” Khu guralo, nyi na vbweta khovbe yago Pfhumu Nungungulu.

Dzindzimo 34:10

Singhalana si ngu hamuga sipwa ndzala, Aholu gimwalo gi kenelelago ga avo va vbwetago Pfhumu Nungungulu.

Dzindzimo 34:4

Nyi vbwetide Pfhumu Nungungulu, uye a nyi hathide; a nyi tshula guthavani gwangu gatshavbo.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Gizimba 5:6

Nyi di tulela gigodwa gyangu, aholu uye a di bani na khugide a hongola; hefemulo wangu wu di nyunguluga gikhati nyi nga mupwa na gu ganela, nyi di mu vbweta aholu kha nya mu mana; nyi mu rana uye a si nyi hakhi gilo.

Isaya 45:19

Kha nya ganela gusihalani, mwendro wulangani nya gidema; kha nya embela gitugulwana gya Jakobe, kheni: Nyi vbweteni mahala; Eni Pfhumu Nungungulu, nya gu ganela lisine, ni gu tivisa iso si lulamidego.

Jeremiya 29:12

Mwa gu nyi rana ni gu nyi khozela, eni nyi na mi yingisa.

Jeremiya 33:3

Nyi rane, eni nyi na gu ninga phindrulo, nyi na gu tivisa silo si sihadego, esi u si sitigo.

Dhaniyeli 9:3

Khu guralo, nyi di khusedza maho yangu ga Pfhumu Nungungulu nyi gira milombelo, nyi lila ni guhala, nyi ambala silendra ni gu phorola nguma.

Matewu 21:22

Kholu satshavbo mu si lombago khu gukhodwa gwanu, umo nya nombelo, mu na ningwani.”

Matewu 21:31

Khu wevbini nya ava va vavili a nga girago guhaladza ga babe wule?” Va di hakha, khavo: “Khuye nya guphele.” Jesu a di va embela, khuye: “Khu lisine nyi ngu mi embelani, kheni: Vakhuphisi ni maphuphulu va na mi thangela Mufumoni wa Ndzadzini.

Matewu 6:29

Aholu nyi ngu mi embelani, kheni: Ambari Solomoni, gufumani gwaye gwatshavbo, kha ambala kha nga gimwegyo gyakone.

Marko 11:24

Khu magirelo yoyo, nyi ngu mi embelani gukheni satshavbo esi mu lombago umo nya nombelo wanu, khodwani gukhenu mu na si mana.

Marko 13:37

Esi nyi mi embelago nya gu embela vatshavbo, kheni: Khalani na mu dongide.

Luka 11:10

Kholu watshavbo muthu a lombago a ngu ningwa; uye a vbwetago a ngu si mana, ni uye a khokhothago a ngu tuledwa.

Johane 14:13

Ni gevbini mu na lombago khu lina langu, nyi na mi girelani, gasi Babe afela gu dhumiswa khu Mwanaye.

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Johane 15:7

Mwa gu khala ni eni, ni gu landrisani magana yangu, satshavbo iso mu na lombago mu na ningwa.

Johane 4:10

Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

2 Vakorinto 6:2

Kholu Uye a ngu ganela, khuye: “Nyi gu pwide khu gikhati nya gyadi, nyi gu phaside khu litshigu nya guvbanyiswe.” Khigyo egi gikhati nya gyadi. Khilo eli litshigu nya guvbanyiswe.

Vahebheru 11:6

Khu guralo, muthu nyamba khodwa kha dzi kodzi gutsakisa Nungungulu, kholu, oyu a hidzimelago ga Nungungulu fanede gukhodwa gukhuye Nungungulu womo, ni gukhuye a ngu tshatshazela avo va mu vbwetago.

Vahebheru 4:16

Khavbo avbo, hongoleni hi tiye hi hidzimela vbagikhalotunu nya wufumu wa Nungungulu nya gutale khu wuhigo, avbo hi na ya manago guvbanya ni gu phasedzedwa hi gu vbwetago gikhati gyatshavbo.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

Jakobe 5:15

Nombelo wu girwago khu gukhodwa wu na vbanyisa mudwali. Pfhumu yi na mu ninga womi, yi mu tsetselela siwono saye esi a giridego.

1 Johane 3:22

Ethu hi ngu hakha gwaye satshavbo esi hi lombago, kholu hi ngu yingisa milayo yaye, ni gu gira esi si mu tsakisago.

Gutuledwa 2:24

“Gasi ga enu ni vambe vathu va Tiyatira vale va si landreligo milayo yeyi, enu mu si gutigo ‘Gueta ga Sathane’ (kha nga edzi gu ganedwago khidzo) kha nyi na mi lemedza khu mimbe mirwalo.