Luka 11:50 - Bhibhiliya Nya Guage

⁵⁰ Khu kharato, Nungungulu, a na lamula mela wa muhuno khu novba watshavbo wa vaprofeti wu vbaladzidwego gukhugela gu girwa nya mafu,

Luka 11:50 Iomraidhean Croise

Genesi 4:2

Khu hwane, Evha a di velega gimbe gyanana nya gikhwathana, khu Abheli ndruye wa Kayimi. Abheli a di khala muhavisi, gasi Kayimi a diri mulimi.

2 Dzipfhumu 24:4

gumogo gambe khu kotani nya novba a wu vbaladzidego nyambana nandru, a tadza Jerusalema gwatshavbo khu novba nyambana nandru; khu guralo, Pfhumu Nungungulu, kha dzumela gu mu tsetselela.

Dzindzimo 9:12

Nungungulu a ngu alakanya avo va sanisekago, gima kha divaledwi khu gulila gwawe, a ngu tsayisa vasongi.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Isaya 26:21

Kholu, wonani nya gukhenu Pfhumu Nungungulu, a na khuga khu wulangani gwaye guta tsayisa vavbanyi va mafuni, khu kotani nya sighoho sawe. Mafu ma na funungula novba wawe, ma si sihi gambe vale va songedwego umo.

Jeremiya 51:56

Kholu musaseli a nata sasela Bhabhiloni; dzindrena dzaye dzi na modwa, matshari yawe ma fanyeledzedwa; kholu Pfhumu Nungungulu a bweledzelago mihandro ya va nya guvivba, kha digi gu va ninga tshatshazelo nya mithumo yawe.

Jeremiya 7:29

Vbalulani ndzudzu wa hungoni gwanu mu dzudzuga hwindzo; wombani huwa ni gu lila musigomoni nya gulaphe, kholu Pfhumu Nungungulu hambanide ni gitugulwana gegi gi wusidego likhulo laye, a gi diga.

Mitengo 35:33

Khu magirelo yaya, mu nga tshuki mu nyenyezisa litigo leli mu vbanyago ga ilo; kholu novba wu ngu nyenyezisa litigo; gambe ilo li ngu kodza gu handzwa basi khu novba wa wule a vbaladzidego novba.

Matewu 25:34

Khavbo avbo, mufumeli a na embela avo va nyamudye gwaye, khuye: ‘Deluni, sigodwa sa Babe wangu, hakhani mufumo mu nga dongisedwani gukhugela gu girwa nya mafu.