Luka 11:42 - Bhibhiliya Nya Guage

⁴² “Aholu libango lanu, Vafarisi, mu hengago gikhaba nya mitongwe yatshavbo, mu si theli kota khu gululama ni lihaladzo la Nungungulu. Esi khiso mu nga vbweta gu phela khiso mu gira, nyamba divaledwa khu sile simbe.

Luka 11:42 Iomraidhean Croise

Nehemiya 10:37

ni matiwula nya sanana sathu nya sikhwathana, ni ya Tshambini gwathu, kha nga idzo gu lovidwego khidzo umo nya nayo; gupwani matiwula nya dzimombe dzathu, ni aya nya dzinvuta dzathu, hi na resa ga vaphasi nya mhamba va thumelago Nyumbani ga Nungungulu wathu.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Muhevbudzi 7:18

Gwadi gu dzi vegisa ga gilo gegi, aholu u si hambani gambe ni gimbe; kholu uye a thavago Nungungulu, a ngu dugelela ga satshavbo.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Malakiya 2:17

Enu mu reride Pfhumu Nungungulu khu magana yanu; gambe mu nga guganela, khenu: “Hi mu reride khu ginani?” Kholu mu ganelago, khenu: Muthu watshavbo a ghohago a ngu golega mahoni ga Pfhumu Nungungulu, ni gukhenu, a ngu nengedziswa khu vathu vovo; mwendro avbo mu wudzisago, khenu: “Womo hayi Nungungulu nya gulamule?”

Malakiya 3:8

“Ina muthu a ngu dzi kodza gu bela Nungungulu, gani? Gasi enu mwa gu nyi bela mu bwelo khavbo mu wudzisa, khenu: Ginani hi nga gu belago? Mu ngu nyi bela umo nya gipandre nya likhumi ni avbo nya miningelo mu yelago gu nyi luva khiyo!

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 23:23

Libango gwanu, vapfhadzi nenu, vahevbudzi nya Nayo ni Vafarisi, mu hengago gikhaba nya mitongwe yatshavbo, nesi nya gupitele kiso guhodza, aholu mu si theli kota khu litshina nya milayo yatshavbo, a gu: Gululama, wuhindzi, ni gutumbega. Esi khiso mu nga vbweta gu phela khiso mu gira, nyamba diga sile simbe.

Matewu 23:27

Yuyu va nya libangonu, vapfhadzi, vahevbudzi nya Nayo ni Vafarisi, kholu mu ngu fanana ni marowo ma gu ni phembe nya guage, ma mburisedwa gwadi khu vbavbandze, nari gu khu ndrani ma tade khu marambo ni mahine.

Luka 18:12

Eni nyi ngu hala nyondro mbili khu semana, nyi ngu livba gikhaba nya silo sangu satshavbo.’

Johane 5:42

aholu nyi ngu mitini, gambe eni nyi ngu dziti gukheni, enu mu mwalo lihaladzo la Nungungulu.

1 Johane 4:20

Muthu a gu ganela, khuye: Eni nyi ngu mu haladza Nungungulu, na gu nyenya ndriyaye, a gu lipha. Kholu, mwalo a dzi kodzago gu haladza Nungungulu a si mu wonigo, a gumba haladza ndriyaye a mu wonago.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.