Luka 11:39 - Bhibhiliya Nya Guage

³⁹ Pfhumu a di mu embela, khuye: “Enu Vafarisi mwa gu handza mbiya ni khokho khu vbavbandze basi, gasi khu ndrani gwanu mu tade khu wuvafa ni ndrwadza.

Luka 11:39 Iomraidhean Croise

Genesi 6:5

Pfhumu Nungungulu a di wona gukhuye gughoha ga vathu gu diya na gu engedzelana tigoni khu tshivba ni tshivba; ni gu wona gukhuye maalakanyo yatshavbo ya monyoni nya muthu, ma vivbide.

2 Dzikoronika 25:2

Uye giride ugo gu gu gwadi mbeli ga Pfhumu Nungungulu, aholu kha nga dzi ningela khu monyo waye watshavbo.

Dzindzimo 22:13

dza gu nyi tulela magana yawe, kha nga nghala yi ngurangurago, gasi gu nyi vbadzulela.

Mavingu 26:23

Magana nya gunyenyeze ni monyo nya guvivbe, gu fanana ni sombo nya libumba si namegedzedwego, maraga nya parata.

Mavingu 26:25

Ambari a gu tshambisela gu ganela u nga khodwi, kholu monyoni gwaye, gu tade khu wulala nya gu enedze livbandre na dzimbili dzinyondro.

Mavingu 30:12

Vomo va dzi wonago na va agide, aholu, na va si gu handzwi guvivba va gu nago;

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Ezekiyeli 22:25

Vbakari nya vathangeli vago yomo ghudzeghudze nga nghala yi ngurangurago ya gu bani yi vbadzulela pfimba waye; avo va gu vbedza vathu; va wandra dzithomba ni sombo nya lisima, vanyamayi nya vangi va khala dzinoni vbakari gwawe.

Ezekiyeli 22:27

Dzindruna dzawe dza gu fanana ni masolwa ma vbadzulelago esi ma modego; va gu vbaladza novba, gambe va gusongetela vathu va fela bhindzu nya wudambane.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Matewu 7:15

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Luka 7:13

Pfhumu na mu wone, a di mu pwela gisiro, a gu mu embela, khuye: “U nga lili.”

Luka 7:19

Khavbo avbo, Johane a di rana vapizane vavili, a va rumela ga Pfhumu, gasi guya mu wudzisa, khavo: “Khuwe wule a vbwetago guta, mwendro hi nga gu lindrela mumbe?”

Johane 12:6

Khandri a di ganela kharati khu gu thela kota khu sisiwana, aholu, khu kotani nya wuvafa waye, kholu, a diri uye muphari nya gikhwama, a di gutala guba iso si nga bani si gu thedwa umo.

Johane 13:2

Na vari vbakari nya gulalele, Sathane a di kutsedzela Judha Sikariyoti, mwamana wa Simoni, gasi a ningele Jesu.

Mithumo 5:3

Khavbo avbo, Pedro a di mu wudzisa, khuye: “Ananiya, khu ginani u nga dzumela Sathane a tadza monyo wago, u gu liphela Liphuvbo nya Guage, u gu siha dzimbe dzitsapawu u nga rengisago khidzo gipeto?

Vagalatiya 1:14

Nyi di pala vangi nya tanga yangu va tigoni gwathu khu gu vegisa Nayo wa Vajudha, gambe nyi di gu khathalela ngudzu gu landrisa tumbunugo nya mavbanyelo ya vababe.

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

Tito 1:15

Satshavbo si agide ga ava va agidego. Aholu, gi mwalo gi agidego ga vale nyamba aga, nyamba khodwa, kholu maalakanyo ni mapimo yawe ma tade khu ndzilo.

Jakobe 4:8

Hidzimelani vbafuvbi ga Nungungulu, uye nuye a na mi hidzimelela. Hambani mandza, enu sighohi! Agisani myonyo yanu, enu vapfhadzi.