Luka 11:36 - Bhibhiliya Nya Guage

³⁶ Khu lisine, mili wago watshavbo wa gu bani wu wenengedzwa, nyamba tshala ni gipandryana gidugwana, wu na ngangamela, wu fanana ni idzo wu wenengedzago khidzo mwenge nya gukhondre gwadi.”

Luka 11:36 Iomraidhean Croise

Mavingu 1:5

Muthu nya guti a gu mapwa, a gu engedzela mapimo, ni muthu nya guti a na mana milayo nya wuhevbudzi nya wadi,

Mavingu 20:27

Hefemulo wa muthu mwenge wa Pfhumu Nungungulu, wu wenengedzago satshavbo si guromo ndrani gwaye.

Mavingu 6:23

Kholu milayo kandriya, sihevbudzo i safa nya guwonegele, ni gukawukwa nya gululame, ndzila yi yisago guvbanyani;

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 8:20

Nga khedzani umo nya Nayo ni wufakazi! Wa gumba ganela khu maganelelo yaya, vathu gima kha va na wona gugya.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Matewu 13:52

Khavbo avbo, a di va embela, khuye: “Khu kharato, muhevbudzi watshavbo nya Nayo a hevbudego iso si lumbago Mufumo wa Ndzadzini a ngu fanana ni mune ndranga a dusago khumo nya thomba yaye silo nya siphya niso sa gale.”

Matewu 5:15

Kha yi rothwi kandriya yi fenengedzwa khu gitundru, aholu ya gu vegwa avbo yi kodzago gu wenengedza khavbo vatshavbo va guromo nyumbani.

Luka 11:35

Khu kharato, dzi wonele, u nga dzegi mwenge u gu nawo u wu gira gidema.

Luka 11:37

Na nga guganela, Mufarisi moyo a di mu rana guya hodza naye gaya gwaye. Jesu na vbohide, a di khala vbamezatunu.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Vaefeso 4:14

Kharati, kha hi na khala gambe sanana nya gulegalegiswe khu mavimbi ni gu pengiswa khu sihevbudzo satshavbo nya guhambane, sanana si sengwago khu vathu nya guvivbedwe khu monyo, va dwanelago gu si dzimedza.

Vakolosi 3:16

Mahungu ya Kristo ma na vbahe ndrani gwanu ma gu andra khu guti gwatshavbo hevbudzanani, mu ningana wusingalagadzi khu gyanu. Embelelani dzindzimo ni sizimba na mu gu bonga Nungungulu khu monyo wanu watshavbo.

Vahebheru 5:14

Guhodza nya vathu vakhongolo khogu nya gutiye, kholu avo va hevbude va kodza gu hambanisa esi nya sadi ni esi nya guvivbe.

Jakobe 1:25

Aholu, muthu a khedzisago gwadi Nayo nya gululame wu hi ningago gutshulega a tiya ga uwo, a si tsakiswi basi khu gupwa, aholu, a landrisa esi Nayo wu rumago, a na kategiswa mithumoni yaye yatshavbo.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.