Luka 11:34 - Bhibhiliya Nya Guage

³⁴ Mwenge nya givili gyago khu liso lago. Liso lago la gu bani li wona gwadi, givili gyago gyatshavbo gi na wenengedzwa. Aholu la gu bani li dwala, givili gyago gyatshavbo gi na khala mugidemani.

Luka 11:34 Iomraidhean Croise

Genesi 19:11

Vathu va nga bani vari vbavbandze va di khala sikhumu, vakhongolo ni ava nya vadugwane, va si woni ndzila nya gu bele khiyo.

Dzindzimo 119:18

Tula maho yangu, gasi nyi wone siliwugiso nya nayo wago.

Dzindzimo 81:12

Khu guralo, nyi di va diga va gira guhaladza gwawe, va landrisela gugola nya myonyo yawe.

Mavingu 21:4

Maho nya gu dzi khusedze ni monyo nya matshandza, mwenge wa va nya guvivbedwa khu monyo, gambe si ngu va ghohisa.

Mavingu 28:22

Muthu nya ligungo a gu tutumela gufuma, aholu kha dziti gukhuye a na khala gisiwana.

Isaya 29:10

Kholu, Pfhumu Nungungulu guhude vbatshani gwanu liphuvbo nya ligovbe nya likhongolo, a sega maho yanu, a gu vaprofeti; a fenengedza vathangeli vanu, a gu vama nya liwoni va tugulago misihalo.

Isaya 42:19

Khu mani a gu gikhumu kha nga githumi gyangu, mwendro givbwiri, kha nga girumwa gyangu nyi gi rumelago? Khu mani a gu gikhumu kha nga wule a phasedwego gwangu, mwendro givbwiri kha nga githumi gya Pfhumu Nungungulu?

Isaya 44:18

Vathu nya nga vovo, kha vati gilo ambari gu pima; kholu maho yawe ma tulegide, aholu kha ma woni, ni myonyo yawe, kha yi pimi gilo.

Isaya 5:20

Libango ga vale va wonago guvivba khavo khwadi, wuwadi khavo wu vivbide; gidema khavo guwonegela, guwonegela, khavo gidema; esi si vavago, khavo si ngu lombela, iso nya gulombele, khavo si ngu vava!

Isaya 6:10

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.

Jeremiya 5:21

“Olu yingisani esi enu vathunu nya mapemi ni gumbana mapimo, mu gu na ni maho, aholu mu si woni; ni dzindzeve gambe kha mu yingisi.”

Marko 4:12

gasi: Va khedzisa va wona, aholu va si woni gilo; va yingisa, aholu va si si mani; kholu, va nga vbindrugedza mavbanyelo va gu tsetseledwa sighoho sawe.

Marko 7:22

gumba khodwa, lidiwo, milembo, matshandza ni wupumbu.

Marko 8:18

Khu ginani mu si woni na muri ni maho, mu sipwi, na muri ni dzindzeve? Ina kha mu alakanyi gilo,

Luka 11:35

Khu kharato, dzi wonele, u nga dzegi mwenge u gu nawo u wu gira gidema.

Mithumo 13:11

U ngu wona, Pfhumu a na khusa gyandza gyaye a gu veta. U na khala gikhumu ndrani nya gikhatinyana, nyamba wona safa nya lidambo.” Khu gikhati gyogyo gu di phuma, gu manega gidema mahoni gwaye. A di gimbila khu gu phuphuthela a vbweta muthu nya gu mu phare kunga.

Mithumo 2:46

Khu litshigu ni litshigu va di hengela monyo moyo, va hongola Nyumbani ga Nungungulu, va kabana gibaba, va hodza guhodza gwawe khu gutsaka ni gu nengela, myonyo yawe na yi tangade.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

2 Vakorinto 11:3

Aholu, nyi na ni hwanga nya gukheni mapimo yanu ma na ghoheka mu diga lisine, ni gukhodwa ga Kristo, kha nga olu Evha a nga sengwa khu malipha ni wugengeli nya nyoga.

2 Vakorinto 4:4

kholu vanungungulu nya mafu yaya va segide mavhalo yawe, gasi va si woni gu wonegela nya Ivhangeli nya gungangamele ya Kristo, a gu giemo gya Nungungulu.

Vaefeso 1:17

Gasi Nungungulu wa Pfhumu yathu Jesu Kristo, Babe nya wudhumo, a mi ninge Liphuvbo nya guti, ni gu mi tulela ndzila nya gu muti gwadi Nungungulu.

Vaefeso 6:5

Enu sithumi, yingelani khu monyo wanu watshavbo ava mu va thumelago mafuni momu, khu githawo ni gu dzi sodzisa nga khwatshi mwa gu thumelani Kristo.

Vakolosi 3:22

Sithumi, yingelani siloni gwatshavbo vale mu va thumelago mafuni momu, nasiri basi gikhati va mi ghadhago, nga khwatshi mwa gu dwanela basi gu va tsakisa, aholu khu gutshulega nya myonyo yanu ni gu thava Pfhumu.