Luka 11:29 - Bhibhiliya Nya Guage

²⁹ Kha nga ulo a nga bani na gu tedwa khu vathu nya vangi khu gipitipiti, Jesu a di khuye: “Mela yoyu, mela nya vathu nya guvivbedwe khu myonyo. Va gu lomba giyeyedzo, aholu kha va na ningwa gimbe giyeyedzo vbavbandze nya giyeyedzo gya Jona.

Luka 11:29 Iomraidhean Croise

Ezekiyeli 24:24

Ezekiyeli a na khala giwonelo gwawe; enu mu na gira kha nga edzi uye a giridego. Sa gu girega isoso, mu na dzitini nya gukhenu, eni kheni Mune Pfhumu Nungungulu.

Jona 1:1

Gu dita lito khu ga Pfhumu Nungungulu a embela Jona, mwamana wa Amitayi, khuye:

Matewu 3:7

Aholu, na wonide nya gukhuye Vasadhusi nya vangi ni Vafarisi va di guta navo gasi guta bhapatiswa khuye, a di va embela, khuye: “Enu livelego nya dzinyoga! Khu mani a nga mi ruma gu thava likhulo litago?

Marko 8:38

Kholu oyu a khalago dzitshoni khu eni ni magana yangu vbakari nya melego yoyu nya vathu nya sibhayi ni sighohi, Mwamana wa Muthu a na mu khalela nuye dzitshoni litshigu a na wuyago na tade khu wudhumo wa Babe waye, vbakari nya dzingilozi nya guage.”

Luka 11:16

Gasi vambe, na va vbweta gu mu linga, va di mu lomba giyeyedzo gya Ndzadzini.

Luka 11:50

Khu kharato, Nungungulu, a na lamula mela wa muhuno khu novba watshavbo wa vaprofeti wu vbaladzidwego gukhugela gu girwa nya mafu,

Luka 12:1

Kha nga ulo ma nga bani ma romo mazana nya vathu va nga bani va gu gundrana khu gu tala, Jesu a di phela khu gu embela vapizane vaye, khuye: “Gwadigwadi ni mela nya Vafarisi, a gu malipha.

Luka 9:41

Jesu a di mu hakha, khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na timisela mavbanyelo yanu kala lini?” Khavbo avbo, a di embela babe wule, khuye: “Mu rese eno.”

Johane 2:18

Khavbo avbo, Vajudha va di mu wudzisa, khavo: “Giyeyedzo muni u hi ningago gasi hi khodwe nya gukhethu u na ni fanelo nya gugire esi?”

Johane 6:30

Va di engedza, khavo: “Siyeyedzo muni u girago, gasi, hi si wone, hi khodwe gwago? Mithumo muni u yi girago uwe?

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

1 Vakorinto 1:22

Kholu Vajudha va gu lomba siliwugiso, Vagreki va gu vbweta guti.