Luka 11:27 - Bhibhiliya Nya Guage

²⁷ Na gu ganela, nyamayi moyo a di khusa lito vbakari nya gidzemo, khuye: “Gi kategide girumbu gi nga gu velegago ni mavele ma nga gu mamisago!”

Luka 11:27 Iomraidhean Croise

Mavingu 23:25

Va ninge gutsaka gogo vavelegi vago, a na ghiye uye a gu worisidego lihani.

Luka 1:28

Na yi vbohide avbo a nga bani a romo, ngilozi yi di, khiyo: “Sewe, uwe nya gutale khu wuhigo, Pfhumu yi na ni uwe.”

Luka 1:42

a di khusedza lito, a gu ganela, khuye: “U kategide, uwe, vbakari nya vanyamayi; kategide melego wa ndrani gwago.

Luka 1:48

kholu wonide gusolega ga githumi gyaye. Khu lisine, gukhugela muhuno mimela ni mimela yi na khiyo nyi kategide,

Luka 11:26

la guya dzega livbandre na mavili maphuvbo nya guvivbe guvbindra ilo, mata vbanya yatshavbo ga muthu wule. Khu kharato, makhalelo nya muthu yoyu ma guta nyenyeza guvbindra idzo a nga bani a romo khidzo guphelani.”

Luka 23:29

kholu ma nguta matshigu va na gu ganelago, khavo: Va kategide vanyamayi va ngamba velega sanana, ni vale va ngamba mamisa.