Luka 11:2 - Bhibhiliya Nya Guage

² A di va embela, khuye: “Mwa guvbweta gu lomba, indrani, khenu: ‘Baba, lina lago li na rungudzwe; mufumo wago wu nate gwathu.

Luka 11:2 Iomraidhean Croise

1 Dzipfhumu 8:43

uwe mu yingise khu ndzadzini yoyo, khu wulangani u khadego avbo, u mu girela satshavbo iso muluveli yoyu a si lombago avbo gwago, gasi vathu vatshavbo va mafuni va liti lina lago, va kodza gu gu ninga githawo, kha nga vathu vago va na Israyeli, va dziti gukhavo lina lago la gu khusedzwa nyumbani momu nyi gu vbahedego.

2 Dzipfhumu 19:19

Gasi olu, Pfhumu Nungungulu wathu, hi vbulugise, mandzani ga Senakerebhi, gasi mifumo yatshavbo ya mafuni yi dziti gu khiyo Uwe Pfhumu, khuwe basi, U gu Nungungulu.”

2 Dzikoronika 20:6

a di ganela, khuye: “Oh! Pfhumu Nungungulu wa vababe vathu, ina khandri Uwe Nungungulu a guromo ndzadzini, gani? Ina khandri Uwe mufumeli nya mayigo yatshavbo, gani? Mandzani gwago, yomo tshivba ni wufumu, mwalo a dzi kodzago gu dwana nago.

Dzindzimo 103:20

Bongani Pfhumu Nungungulu enu dzingilozi dzaye, enu mu gu na ni tshivba mu landrisago milayo yaye ni gu yingisa magana yaye.

Dzindzimo 108:5

Uwe Nungungulu, nonedza wugulu wago vbatshani ndzadzini, u tadza litigo khu gungangamela nya wudhumo wago.

Dzindzimo 11:4

Aholu, Pfhumu Nungungulu womo nyumbani gwaye nya guage; Pfhumu Nungungulu a na ni gikhalo nya wufumu waye ndzadzini, maho yaye ma ngu khedzisa tigoni, a wona sanana nya vathu.

Dzindzimo 57:11

Nungungulu, wonegisa wugulu wago ndzadzini; Wudhumo wago wu na fenengedze litigo latshavbo.

Muhevbudzi 5:2

U nga vbiredzeli gu tula likana lago, nyamba phela khu gu pimisa u tutumela gu ganela malito mbeli ga Nungungulu; kholu Uye womo vbatshani ndzadzini, uwe u womo vbavbatshi mafuni; khu guralo, magana yago ma na khale madugwana.

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Ezekiyeli 36:23

Avbo nyi na gu yeyedzago mayigo guaga nya lina langu nya likhongolo, mu li nyenyezisidego vbakari nya mayigo, khavbo avbo, mayigo ma na dziti gukhayo eni kheni Pfhumu Nungungulu, a ngu ganela Mune Pfhumu Nungungulu.

Dhaniyeli 2:28

Aholu womo Nungungulu moyo ndzadzini a tugulago misihalo; uye a pwadzede mufumeli Nabhukodhonosori, iso si na gu mu dugelelago matshiguni yaye nya guhegise. Ndroro yago ni siwoniso sa vbadawutunu gwago khesi:

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 7:18

Aholu, sihathwa sa wule a Khusegidego ngudzu, khavo va na gu ningwago mufumo wu khala wawe kala gupindruga ni gupindruga.

Dhaniyeli 7:27

Khu guralo, mufumo, tshivba ni wugulu nya mifumo yatshavbo ya mafuni, yi na ningedwa ga lihundzu nya sihathwa sa oyu a Khusegidego ngudzu. Mufumo waye khwa kala gupindruga, vafumeli vatshavbo va na mu khozela ni gu mu yingisa.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Levhi 22:23

Mombe mwendro nvuta yi gu ni litundru nya gukhwenyele mwendro nya gulaphe u na yi ningela khu gugola gwago, aholu kha yi na dzumedwa gu gira khiyo phaso nya gutadzise gisambanyo.

Habhakuka 2:14

Kholu litigo li na tala khu wugengeli nya guti wudhumo wa Pfhumu Nungungulu kha nga mati ma tadzago linene.

Matewu 10:32

“Khu kharato, watshavbo uye a nyi dzumelago vbakari nya vathu, nyi na mu dzumela neni mahoni ga Babe wangu a guromo Ndzadzini.

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Luka 11:1

Tshigu mwedo, Jesu a di romo wulanga nya gukari a lombelela. Na vbedzide, moyo nya vapizane vaye a di mu lomba, khuye: “Pfhumu, hi hevbudze gu lomba, kha nga Johane a nga hevbudzago vapizane vaye.”

Varoma 1:7

Nyi ngu mi losani enu mwatshavbo mu gumogo Roma, enu mu haladzwago khu Nungungulu, mu ranidwego gu khala va nya guaga vaye, kheni: Wuhigo ni gurula gu tago khu ga Nungungulu Babe wathu, ni ga Pfhumu Jesu Kristo gu na khale ni enu mwatshavbo.

Varoma 8:15

Kholu, Liphuvbo mu hakhidego kha li mi giri dzikhumbi ni gu mi thela hwanga; aholu la gu mi gira sanana sa Nungungulu. Khilo li hi kutsago gu rana khethu: “Abbha! Baba wathu.”

1 Vakorinto 1:3

Wuhigo ni gurula gwa Nungungulu, Babe wathu ni gwa Pfhumu yathu Jesu Kristo gu na khale ni enu.

2 Vakorinto 1:2

Wuhigo ni gurula gu nate gwanu khu ga Nungungulu Babe wathu, ni ga Pfhumu yathu Jesu Kristo!

Vagalatiya 1:4

Uye a dzi ningede a gu songwa khu kotani nya sighoho sathu, gasi a hi tshule ga litigo leli nya guvivbe hi vbanyago ga ilo, gu tadzisega kharati guhaladza gwa Nungungulu Babe wathu.

Vaefeso 1:2

Wuhigo ni gurula gwa Nungungulu Babe wathu ni gwa Pfhumu yathu Jesu Kristo gu na khale ni enu.

Vafilipi 1:2

Wuhigo ni gurula mu na ningwe khu Nungungulu Babe wathu ni Pfhumu Yathu Jesu Kristo.

Vafilipi 4:20

Wudhumo wu na vegwe ga Nungungulu Babe wathu kala gupindruga. Amen.

Vakolosi 1:2

hi ngu losa va nya guaga, vandriyathu va tumbegidego ga Kristo va vbanyago dhoropani ga Kolosi. Wuhigo ni gurula ga Nungungulu Babe wathu gu na khale ni enu.

1 Vatesalonika 1:1

Eni Pawulo, ni Silivhano ni Thimoti, hi ngu losa libandla nya vathu va Nungungulu va vbanyago dhoropani ga Tesalonika, na hi patane khu lihaladzo la Nungungulu, ni la Pfhumu yathu Jesu Kristo, hi ngu mi suvela wuhigo ni gurula.

1 Vatesalonika 1:3

Hi ngu mati gwadi mavbanyelo nya gukhodwe gwanu, ni gu dzi garadza gwanu khu lihaladzo, ni gutiya gutumbani gwanu mu gu nago khu Pfhumu yathu Jesu Kristo, mbeli ga Nungungulu Babe wathu.

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”

Gutuledwa 19:6

Nyi dipwa gambe nga lito nya likhongolo nya talo nya vathu, nga gudzuma nya talo nya mati, nga gudzuma nya libara, na va gukhavo: “Aleluya! Kholu Pfhumu, Nungungulu wathu nya Tshivba Yatshavbo a ngu fuma!

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.