Luka 10:31 - Bhibhiliya Nya Guage

³¹ Gu di kotsana na guvbindra muphasi nya mhamba khu ndzila yile. Na mu wone, a di leya, nyamba thela kota.

Luka 10:31 Iomraidhean Croise

2 Samuweli 1:6

Khavbo avbo, lidzaha li di hakha, khilo: “Eni nyi di gu vbindra khu mugigomoni ga Gilibhowa, nyi di wona Sawule na khighede vbalitsharitunu gwaye. Dzikareta ni vakhileli va nga bani va mu lundra, va di gu mu vbohela.

Dzindzimo 142:4

Khedzisa gwadi maphuvbo yatshavbo, mwalo a thelago kota khu eni, kholu nyi mwalo wulanga nya guthavele avbo.

Dzindzimo 69:20

Va nyi vade kala ni monyo wangu wu vbisa, nyi vbela tshivba; nyi vbwetide nya gu nyi pwele wusiwana, aholu kha nya mu mana; kha nya mana ni moyo nya gu nyi tangadzise.

Mavingu 21:13

Uye a si yingisigo huwa nya gisiwana gya gulila, uye nuye kha na yingiswa litshigu a na gu lombago giphaso.

Muhevbudzi 9:11

Nyi di bwelo khavbo nyi wona gambe mafuni momu, kheni: Mapalisanatunu, khandri vale va gu na ni mazambo va pilago pfhuka, khandri va nya tshivba va palago nyimbitunu, khandri vale nya gugengele va manago guhodza, khandri va nya guti va manago thomba, khandri vale va hevbudego va zundzwago, satshavbo si na ni gikhati si dugelelago khigyo.

Isaya 58:7

Ni gu kabana guhodza gwago ni oyu a gu mwalo gilo nya guhodze, ni gu hakha sisiwana si gu mwalo gaya, ni gu ambagisa uye a gu mwalo guambala, u nga gikheli marundra ndriyago.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Hoseya 5:1

Upwani esi enu vaphasi nya mhamba! Yingisani nenu va nyumbani ya Israyeli, nenu va nyumbani ya mufumeli! Kholu gulamudwa gogu gwa gu lumba enu, kholu mu khade milaphwi dhoropani ga Misipa, ni ligoga li ladzidwego gigomoni gya Tabhori.

Hoseya 6:9

Vaphasi nya mhamba va gu fanana ni sighevenga, si sihalelago vathu, si va songa ndzilani ga Sikemi; mithumo yawe khya gunyenyeza ni wughevenga.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Luka 10:30

Khavbo avbo, Jesu a di mu phindrula, khuye: “Mwama moyo a di gu relela khu Jerusalema na guya Jeriko. A di tshangana ni sighevenga si nga mu phangago satshavbo a nga bani nari naso, si mu khinyela ni gu mu gandredzela, si mu diga vbakari nya ndzila na dzimide.

Luka 10:32

A di vbindra nuye mulevhi khu vbale. Na mu wone, a di leya nuye.

Rute 2:3

A di hongola aya bela thembweni gasi gu roledzela sivbila khu hwane ga vavbweri, aholu gu di ya kotsana gu lithembwe lolo li diri la Bhowazi, nongo wa Elimeleki.