Luka 10:28 - Bhibhiliya Nya Guage

²⁸ Jesu a di mu embela, khuye: “U hakhide gwadi. Gira kharato, u na vbanya.”

Luka 10:28 Iomraidhean Croise

Nehemiya 9:29

U va dundrugiside va bwelela nayoni gwago, aholu avo khu kotani nya gu dzi dandrise gwawe, kha va yingisa milayo yago, va di hambana ni sileletelo sago, si vbanyisago muthu wule a si landrisago; aholu va di gu pfhurarela va sega dzindzeve dzawe va si gu yingisi.

Mavingu 19:16

Uye a vegedzago milayo a gu sayisa womi waye; aholu uye a gumba dzumela sileletelo, a gu dzi vangela lufu.

Ezekiyeli 20:11

Nyi va ningide sileletelo sangu, nyi va gira vati milayo yangu, khu guralo, uye a na yi landrisago, a na vbanya khiyo.

Ezekiyeli 20:13

Aholu va na Israyeli va nyi kanyiside giwulani, va si landrisi sileletelo sangu, va hambana ni milayo yangu, gasi khu gu yi landrisa, va di hadza guvbanyiswa khiyo; gambe, va nyenyeziside dzisabhadho dzangu; khu guralo, nyi va embede gukheni nyi na guhula likhulo langu vbatshani gwawe, gasi nyi va mbembisa giwulani.

Ezekiyeli 20:21

Aholu sanana niso si di nyi wugela, si si landrisi sileletelo sangu, ambari gu sayisa milayo yangu, iyo va nga vbweta gu vbanyiswa khiyo, avo va nyenyeziside dzisabhadho dzangu; khu kotani nya isoso nyi nga ganela kheni nyi na guhula likhulo langu vbatshani gwawe giwulani, nyi wusa khorodza yangu.

Levhi 18:5

Mu na landrisa sileletelo ni milayo yangu, kholu oyu a yi landrisago a na vbanya khiyo. Eni kheni Pfhumu Nungungulu wanu.

Matewu 19:17

Jesu a di mu hakha, khuye: “Khu ginani u nyi ranago gukhuwe nyi wadi? Moyo basi a gu wadi khu Nungungulu. Aholu wa guvbweta gu mana guvbanya nya gupindruge, landrisa milayo.”

Marko 12:34

Jesu, na wonide gukhuye phindrude khu mapimo nya guti, a di mu embela khuye, “U mwalo hwindzo ni Mufumo wa Nungungulu.” Gukhugela avbovbo mwalo gambe a nga tiya gu mu wudzisa silo.

Luka 7:43

Simoni a di hakha, khuye: “Khu lisine, nya gu wona gukheni khu wule a nga mu tsetselela mangava nya mangi.” Jesu a di mu embela, khuye: “U hakhide gwadi.”

Varoma 10:4

Kristo tshipiside Nayo wa Mosi gasi gu tshanganisa wulongoni gwa Nungungulu vathu vatshavbo va khodwago gwaye.

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

Varoma 7:10

khavbo avbo, nyi difa eni. Nayo wu nga vbweta gu nyi yisa guvbanyani, wu di nyi yisa gufani.

Vagalatiya 3:12

Aholu Nayo kha wu digi gukhodwa, aholu, gu lovidwe omu nya Milowo nya Guage pwani: “Oyu a na vegisago sileletelo nya Nayo a na vbanya khiso.”

Dhewuteronome 6:24

Pfhumu Nungungulu a hi rumide gukhuye hi landrisa sileletelo satshavbo sesi ni gu ninga githawo Pfhumu Nungungulu wathu, gasi hi mana gukhadzisega gikhati gyatshavbo, ni gu Uye Nungungulu a hi ninga womi, kha nga a girago kala na muhuno.