Luka 10:2 - Bhibhiliya Nya Guage

² A di va embela, khuye: “Dzimbewu dzingi, aholu vavbweri vadugwana, khu kharato, lombani ga mune lithembwe a rumela vavbweri nya vangi thembweni gwaye.

Luka 10:2 Iomraidhean Croise

1 Dzipfhumu 18:22

Khavbo avbo, Eliya a di engedza gu embela vathu, khuye: “Wonani, kheni nyenga nyi tshadego muprofeti wa Pfhumu Nungungulu, gasi vaprofeti Vabhahali mazana mana ni livbandre magumi vama.

Dzindzimo 68:11

Pfhumu a ningede lito, vanyamayi nya vangi va di huwelela, khavo:

Jeremiya 3:15

Nyi na mi ningani vathangeli nyi pwanago navo, avo va na mi thangela khu guti ni wugengeli.

Zakariya 11:17

Libango ga muhavisi nya gipumbu, a si sayisigo tshambi; a na paywe libogo laye khu litshari, li mu pole liso la nyamudye; libogo laye latshavbo li na bange ni liso laye la nyamudye li na khale gidzogo.

Zakariya 11:5

vale va dzi rengago va gu dzi songa, aholu mwalo va tsayiswago khuye. Gasi vale va dzi rengisago va gu ganela, khavo: A na rungudzwe Pfhumu Nungungulu, kholu nyi khade gitetema! Ambari vahavisi vakone kha vapwi wusiwana khidzo.

Mitengo 11:17

Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Mitengo 11:29

Khu guralo, Mosi a di hakha, khuye: “Gasi uwe wa gupwa wufu khu eni, gani? A diri tshukwana naripwani Pfhumu Nungungulu a ngu thela Liphuvbo ga vathu vatshavbo va profeta!”

Matewu 20:1

“Kholu Mufumo wa Ndzadzini wu ngu fanana ni mune ndranga a nga vindrugelago gu gimbila a vbweta vathu nya guta lime thembweni gwaye nya miuvha.

Marko 13:34

Gu ngu fanana ni muthu nya gukari a nga donga liendro, a di khuga a tshiyedza ndranga ga sithumi saye, a kabanisela mithumo ga moyo ni moyo, a ruma ghadhi gu tshala yi khevisela.

Marko 16:15

Khavbo avbo, a di va embela, khuye: “Indrani tigoni gwatshavbo, mu gimbila mu hevbudza Mahungu nya Yadi nya maphya ga vathu vatshavbo.

Marko 16:20

Vapizane va di khuga khu vbale va gimbila va tivisa Ivhangeli malangani yatshavbo. Pfhumu a di thumisana navo, a tiyisa magana yawe khu siliwugiso va nga bani va gu gira. Amen.

Luka 9:1

Jesu a di tshanganisa vale nya likhumi na vavili, a va ninga tshivba nya guduse maphuvbo yatshavbo nya guvivbe ni gu hawulugisa vadwali.

Mithumo 11:19

Ga gikhati gyogyo, vakhodwa va di phalalegide khu kotani nya tshanisa yi nga dugelela hwane nya gusongwe Sitefane. Va di vboha kala Fenisiya, Kipre ni Antiyokiya, va gu hevbudza mahungu ya Nungungulu ga Vajudha basi.

Mithumo 13:2

Vari vbakari nya nombelo wa Pfhumu ni guhala, Liphuvbo nya Guage li di ganela, khilo: “Nyi kaseleni Bharinabha ni Sawule gasi va phara thumo nyi va ranedego uwo.”

Mithumo 13:4

Na va gu rumwa khu Liphuvbo nya Guage, va di relela Selewusiya, Khiyo va nga ya khilela ngalava va hongola Kipre.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Mithumo 22:21

Uye a di nyi embela, khuye: ‘Indra, kholu nya guvbweta gu gu rumela hwindzo, ga va nya mayigo.’ ”

Mithumo 8:4

Avo va nga phalalega va di gimbila khu talala ni talala va gu hevbudza Mahungu nya Yadi.

1 Vakorinto 12:28

Nungungulu vegide muthu ni muthu wulanga waye ndrani nya libandla: Guphela khu Vapostoli, gu handzamedza vaprofeti; nya wuraru khu vahevbudzi; gu bela va nya gu gira siliwugiso ni gu hawulugisa madwali, ni va nya gu sayisa sisiwana, ni vathangeli, ni va nya gu ganela malimi nya guhambanelane.

1 Vakorinto 15:10

Aholu khu wuhigo wa Nungungulu nyi womo kha nga idzo nyi gu idzo. Gambe wuhigo a nyi ningidego, kha nyi ninga mahala. Eni nyi ngu thuma ngudzu guvbindra vatshavbo vapostoli. Ambari ulo khandreni nyi girago esi satshavbo, wuhigo wa Nungungulu wu thumago gumogo ni eni.

2 Vakorinto 6:1

Ethu hi gu vaphasedzeli va Nungungulu, hi ngu mi khongotelani gukhethu, mu nga digi wu luzega wuhigo wa Nungungulu mu hakhidego.

Vafilipi 2:21

Vatshavbo vambe va gudwanela basi gu gira guhaladza gwawe, nasiri ogu ga Kristo.

Vafilipi 2:25

Nya gu wona gukheni gwadi nyi mi rumelani Epafrodito, ndriyangu eno mungana wangu nyi thumago ni gu dwana gumogo naye, a gu uye mu mu rumedego guta nyi phasedzela mu sigaradzoni gwangu.

Vafilipi 2:30

khaguva a di hadza gufa khu kotani nya thumo wa Kristo, a ningela womi waye khu gufela gu nyi phasedzela khu esi enu mu si dzi kodzigo gu nyi ningani.

Vakolosi 1:29

Khiso nyi si thumelago ni gu si dwanela khu tshivba yatshavbo nyi yi manago tshivbani ga Kristo.

Vakolosi 4:12

Hakhani gambe malosedzela ya Epafrasi a gu moyo nya libandla lanu a guromo thumoni wa Kristo Jesu. Uye milombeloni gwaye a ngu lombelela ngudzu ga Nungungulu gukhuye mu simame gutiya, mu landrisa khu guvbelela guhaladza gwa Nungungulu.

1 Vatesalonika 2:9

Vandruye, dundrugani khu lisine gugaradzega ni gugarala gwathu. Hi di thuma wutshigu ni mihani gasi hi si mi lemedzi, khu kharalo, hi di mi tivisani Mahungu nya Yadi ya Nungungulu.

1 Vatesalonika 5:12

Vandruye, hi ngu mi lomba mu ninge githawo ga vale va tago khu lina la Pfhumu va ta thumela enu, vathangeli ni valuleki vanu.

2 Vatesalonika 3:1

Khu guhegisa, vandruye, hi lombeleleni nethu ga Nungungulu, gasi mahungu yaye ma andre, ma hakhwe gwadi, nga edzi gu nga girega khidzo vbakari gwanu.

1 Thimoti 4:10

Ethu ha gu dzi garadza, hi dzi songa khu gu thuma khu kotani hi vegidego gutumba gwathu ga Nungungulu a vbanyago. Uye khuye muvbanyisi nya vathu vatshavbo ngudzungudzu ga vale va khodwago.

2 Thimoti 4:5

Aholu, uwe tiya u timisela sigaradzo satshavbo, dzi vegise thumoni gwago nya gutivise Mahungu nya Yadi, u vbedzisa thumo wago.

Filemoni 1:1

Eni Pawulo, gibotshwa gya Kristo Jesu, gumogo ni ndriyathu Thimoti, hi ngu lovela Filemoni, gigodwa ni muphasedzeli wathu,

Vahebheru 3:6

Aholu, Kristo tumbegide kha nga Gyanana gi rwadego thumo nya gusayise Nyumba ya Nungungulu. Ethu hi na khala nyumba yaye ha gu tiya ga esi hi si tumbago.

Gutuledwa 2:1

Lovela ngilozi nya libandla la Efeso, khuwe: “Wule a pharidego livbandre na dzimbili dzinyeledzi khu nyamudye; wule a vbindrago khu vbakari nya livbandre na dzimbili dzikandriya nya ndralama, wari, khuye: