Luka 10:15 - Bhibhiliya Nya Guage

¹⁵ Ahati uwe, Kafarinawume! U di vbweta gu khusedzwa kala Ndzadzini, gani? Hulo, u tandregide! U na reledzwa kala vbavbatshi.”

Luka 10:15 Iomraidhean Croise

Genesi 11:4

Khu hwane nya ugo va di khavo: “Olu hongoleni hi vbahe lidhoropa ni langwe nya yikhongolo nya gulaphe ngudzu yi manela ndzadzini, kholu gu vbwetega hi pwala ndruma, gasi hi si phalalegiswi ni litigo latshavbo.”

Isaya 5:14

Khidzo kharato, lithowo li engedzedego gulodza magwaha li hama likana gasi gu midza wuzundzo wa Jerusalema, gumogo ni gidzemo gi girago ligwaha, ni vatshavbo va tsakago.

Jeremiya 51:53

Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.

Ezekiyeli 26:20

Khavbo avbo, nyi na gu gira u relela gumogo ni avo va relelago phalani nya vafi, gasi guya bangaladzana ni vagale, nyi na gu gira u ya vbanya guetani nya mafu, malangani nya siwula sa gale gumogo ni avo va relelago phalani nya vafi, gasi u si khadwi gambe khu muthu; nyi na tiyisa wuzundzo tigoni nya avo va vbanyago.

Ezekiyeli 31:18

Uwe gasi gu fanana ni mani khu wuzundzo ni wugulu vbakari nya misimbo ya Edheni, na? Khu guralo, u na relela gumogo ni misimbo ya Edheni guetani nya mafu; vbakari nya avo nyamba hana wugwera, u na mbemba gumogo ni vale va songetedwego khu matshari. Wonani oyu khu Faro gumogo ni gidzemo gyaye gyatshavbo, a ngu ganela Pfhumu Nungungulu.

Ezekiyeli 32:18

“Mwamana wa muthu, emba ndzimo u lila khu gidzemo gya Egipito u va reledza phalani nya vafi avo gumogo ni vathu nya dzitshivba nya mambe mafumbo, gasi va relela guetani nya mafu, gumogo ni vale va relelago phalani nya vafi.

Ezekiyeli 32:20

Avo va na thegela vbakari nya vale va songetedwego khu matshari. Matshari ma dongisedwe; mu mbembiseni gumogo gidzemo nya vathu vaye.

Ezekiyeli 32:27

Kha va dzingwa gumogo ni dzimbe dzindrena dza gale, dza vbakari ga avo nyamba hana wugwera dzi ngafa, dzi dzingwa ni matshari yawe nya nyimbi, ma nga vegwago mihungoni gwawe. Guvivba gwawe gomo vbatshani nya marambo yawe, ambari wughevenga wu giridwego khu dzindrena dzodzo wu nga phalalegago tigoni gwatshavbo.

Obhadhiya 1:4

Ambari wa gu vbuvba nga lighama, u ya vbaha gihaga gyago vbakari nya dzinyeledzi, eni nyi naya gu pfhungumula, a ngu ganela Pfhumu Nungungulu.

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Matewu 11:23

Ahati uwe, Kafarinawume! U na dzi khusedza kala Ndzadzini, gani? U dzi pembide, u na rinywa phalani nya nilo, kholu, nari gupwani siliwugiso si nga girwago mahoni gwago si di giredwe tigoni ga Sodhoma, nolu litigo lolo na li nga romo.

Matewu 4:13

a diga, kharati, Nazareta, aya khala Kafarinawume, a gu lidhoropa li manegelago siwoni ga Galileya, litigo la Zebhuloni ni Nafitali.

Luka 13:28

Gikhati mu na wonago Abrahama, Isaki, Jakobe ni vaprofeti vatshavbo Mufumoni wa Ndzadzini, enu mu gu tshidwe vbavbandze, avbovbo gu na manega gulila ni guketsa nya magwaha.

Luka 16:23

Na romo phalani nya nilo vbakari nya tshanisa, a di khusa maho a gu wona Abrahama nari hwindzo ni Lazaro mawogoni gwaye.

Dhewuteronome 1:28

Hi na hongola hayi? Vandriyathu va hi pide hwambo, khavo: Vangi gambe sidandrangulu; madhoropa yakone makhongolo na ma bhiyidwe khu makhokhola kala damboni. Hi wonide gambe iyoyo vathu nya sidandrangulu sanana sa gidandrangulu Anaki.”

2 Pedro 2:4

Nungungulu kha ditshedza dzingilozi dzi nga ghohago, aholu, a di dzi yisa phalani nya guete nya gidema a dzi diga mugidemani, a lindrela litshigu nya gu dzi lamule,